ସିଡ୍ନୀ,୨୧।୧: ଭାରତର ପୂର୍ବତନ କ୍ରିକେଟ ଅଧିନାୟକ ସଚିନ୍ ତେନ୍ଦୁଲକରଙ୍କୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ସଚିନ୍ ଖୁବ୍ ଶୀଘ୍ର କୋଚ୍ ଭୂମିକାରେ ଦେଖାଦେବେ। ମଙ୍ଗଳବାର ଅଷ୍ଟ୍ରେଲିଆ କ୍ରିକେଟ୍ ଟିମ୍ ପକ୍ଷରୁ କୁହାଯାଇଛି ଯେ, ସଚିନ୍ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂଙ୍କ ଦଳକୁ କୋଚିଂ ଦେବେ। ଅଷ୍ଟ୍ରେଲିଆ ଜଙ୍ଗଲରେ ଲାଗିଥିତ୍ବା ନିଆଁ ଯୋଗୁ ବହୁ କ୍ଷତି ହୋଇଛି। ତେବେ କ୍ଷତିଗ୍ରସ୍ତ ଲୋକଙ୍କ ସହାୟତା ପାଇଁ ଏକ କ୍ରିକେଟ ମ୍ୟାଚ୍ର ଆୟୋଜନ କରାଯିବ। ଏହି ମ୍ୟାଚ୍ରେ ସଚିନ୍ ଏବଂ ମହେନ୍ଦ୍ର ସିଂ ଧୋନୀ ଖେଳିବେ ବୋଲି ପୂର୍ବରୁ କୁହାଯାଇଥିଲା। ମାତ୍ର ମଙ୍ଗଳବାର ଅଷ୍ଟ୍ରେଲିଆ କ୍ରିକେଟ ପକ୍ଷରୁ କୁହାଯାଇଛି ଯେ, ରିକି ପଣ୍ଟିଂ ଏବଂ ଶେନ୍ ଓ୍ବାର୍ଣ୍ଣଙ୍କ ଦଳ ମଧ୍ୟରେ ହେବାକୁ ଥିବା ଏହି ବନ୍ଧୁତ୍ୱପୂର୍ଣ୍ଣ ଘରୋଇ ମ୍ୟାଚ୍ରେ ରିକିଙ୍କ ଦଳକୁ ସଚିନ୍ କୋଚିଂ ଦେବେ।