ବାଲେଶ୍ୱର ଅଫିସ, ୩୧।୮-ପୃଥିବୀରେ ସେଭ୍ ୱାଟର, ସେଭ୍ ଫୁଏଲ୍, ସେଭ୍ ଆର୍ଥ ଆଣ୍ଡ ଫିଟ୍ ଫର୍ ଇଣ୍ଡିଆ ସଚେତନତା ବାର୍ତ୍ତା ନେଇ କେରଳର କାଲିକଟରୁ ବାହାରିଥିବା ୨ ଯୁବ ରୋଟାରିଆନ କେ. କେ. ରାଜିତ ଓ ପ୍ଲାଇସ୍ କେ.ଭି. ଶୁକ୍ରବାର ବାଲେଶ୍ୱର ପହଞ୍ଚିଛନ୍ତି। ରୋଟାରୀ ଜିଲା ୩୨୬୨, ରୋଟାରୀ କ୍ଲବ ବାଲେଶ୍ୱର, ବାଲେଶ୍ୱର ଶାଶ୍ୱତ, ଅନସି ଓ ରୋଟାରୀ କ୍ଲବ ସେଣ୍ଟ୍ରାଲ ମିଳିତ ସହଯୋଗରେ ଉଭୟଙ୍କୁ ବାଲେଶ୍ୱର କ୍ଲବ ପରିସରରେ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।
କେରଳର କାଲିକଟଠାରୁ ଟ୍ରାନସ୍ ଏସିଆନ ବାଇସାଇକେଲ ଯାତ୍ରାରେ ପ୍ରାୟ ୮ହଜାର କି.ମି. ଓ ୭ଟି ଦେଶ ଦେଇ ଯାତ୍ରା କରୁଥିବା ଏହି ୨ ଯୁବ ରୋଟାରିଆନଙ୍କୁ ସମସ୍ତ ବାଲେଶ୍ୱର ରୋଟାରୀ କ୍ଲବ ସଭାପତି ଓ ସଭ୍ୟମାନେ ଉପସ୍ଥିତ ରହି ସମ୍ବର୍ଦ୍ଧନା ଦେଇଥିଲେ। ସମ୍ବର୍ଦ୍ଧନା ସଭାରେ ଉପଜିଲାପାଳ ନୀଲୁ ମହାପାତ୍ର, କ୍ରୀଡ଼ା ଅଧିକାରୀ ପୂର୍ଣ୍ଣଚନ୍ଦ୍ର ଜେନା ଓ ରୋଟାରୀ କ୍ଲବ ସଭାପତି ଡ. ମାତୃଦତ୍ତ ଦାସ, ଅନ୍ସି ସଭାପତି ସଞ୍ଜିବ ବିଦ୍ୱାନିଆ ଉପସ୍ଥିତ ରହି ସାଇକେଲ ଯାତ୍ରୀଙ୍କୁ ଉତ୍ସାହିତ କରିଥିଲେ। ବରିଷ୍ଠ ସଦସ୍ୟ ସୁବ୍ରତ କର, ଉମାକାନ୍ତ ମିଶ୍ର, ନିକୁଞ୍ଜ ମହାନ୍ତି, ସୌରଭ ବେହେରା, ବିକ୍ରମଜିତ କର, ଯଶୋଦା ନନ୍ଦନ ଆଶ୍, ବିଶ୍ୱଦୀପ ପଣ୍ଡା, ପରେଶ ଗାଏନ, ସୁଖମୟ ଦାସ, ଭି. ଉଦୟ କୁମାର, ବିକାଶ କର, ଭାବଗ୍ରାହୀ ମହାନ୍ତି, ସାହିଲ ହୋଦା, ସତ୍ୟନାରାୟଣ ନନ୍ଦ ଉପସ୍ଥିତ ଥିଲେ।