ସମ୍ବଲପୁର,୨୧।୭(ବ୍ୟୁରୋ): ସମ୍ବଲପୁର ଏସ୍ପି ସଞ୍ଜୀବ ଅରୋରା ଗୋଇନ୍ଦା ବ୍ୟୁରୋ ଡିଆଇଜି ଭାବେ ଯୋଗ ଦେବେ। ସୋମବାର ସେ ତାଙ୍କ ଦାୟିତ୍ୱ ହସ୍ତାନ୍ତର କରିବେ। ହେଲେ କାହାକୁ ଦାୟିତ୍ୱ ଦେବେ ସେ ନେଇ ଗୃହ ବିଭାଗରୁ ନିର୍ଦ୍ଦେଶ ଆସିନାହିଁ । ଅବଶ୍ୟ ଜଣେ ଅତିରିକ୍ତ ଏସ୍ପିଙ୍କୁ ସେ ତାଙ୍କ ଦାୟିତ୍ୱ ପ୍ରଦାନ କରିବେ ବୋଲି ଏସ୍ପି ଅରୋରା କହିଛନ୍ତି ।
ସୂଚନାଯୋଗ୍ୟ, ଏସ୍ପି ଅରୋରାଙ୍କ ବହୁଦିନରୁ ପଦୋନ୍ନତି ସହ ବଦଳି ହୋଇଛି। ହେଲେ ସେ କେଉଁ ସ୍ଥାନରେ ଯୋଗ ଦେବେ ସେ ନେଇ କୌଣସି ନିର୍ଦ୍ଦେଶ ଦିଆଯାଇ ନ ଥିଲା। ଏବେ ଦିଲ୍ଲୀରେ ଆଇବି ଡିଆଇଜି ଭାବେ ଯୋଗ ଦେବାକୁ ତାଙ୍କୁ ନିର୍ଦ୍ଦେଶ ଆସିଛି।