ସଡ଼କ ଦୁର୍ଘଟଣାରେ ପୂର୍ବତନ ସରପଞ୍ଚଙ୍କ ମୃତ୍ୟୁ: ପ୍ରତିଶ୍ରୁତିପରେ ହଟିଲା ରାସ୍ତା ରୋକୋ
07 ବରୀ/ରତ୍ନଗିରି,୩୦-୧୦(ସ୍ବ.ପ୍ର./ଡି.ଏନ୍.ଏ.)- ଯାଜପୁର ଜିଲା ବରୀ ବ୍ଲକ ଅଧୀନ ବରୀ-ବରୁହାଁ ମୁଖ୍ୟ ରାସ୍ତାର ବରୀ ମାଉଣ୍ଡ ବଜାର ନିକଟରେ ମଙ୍ଗଳବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ଅରଙ୍ଗାବାଦ୍ ପଞ୍ଚାୟତର ପୂର୍ବତନ ସରପଞ୍ଚ ରଘୁନାଥ ଜେନା(୬୬)ଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ମୃତ ପରିବାରର ଓ ଗ୍ରାମବାସୀ କ୍ଷତିପୂରଣ ଦାବିରେ ବରୀ-ବରୁହଁା ମୁଖ୍ୟ ରାସ୍ତାକୁ ଟାୟାର ଜାଳି ଅବରୋଧ କରିଥିଲେ। ଖବର ପାଇ ବରୀ ତହସିଲଦାର ପ୍ରଭାସ ବେଉରା ଓ ଥାନା ଅଧିକାରୀ ମାର୍କଣ୍ଡ ମିଶ୍ର ପହଞ୍ଚତ୍ ଲୋକଙ୍କୁ ବୁଝାଶୁଝା କରିଥିଲେ। ହେଲେ ଗ୍ରାମବାସୀ ଘଟଣାସ୍ଥଳକୁ ଜିଲାପାଳଙ୍କୁ ଆସିବାକୁ ଦାବି କରିବା ସହ ମୃତ ପରିବାରଙ୍କୁ ୧୦ ଲକ୍ଷ ଟଙ୍କା କ୍ଷତିପୂରଣ ଦାବିରେ ଆନ୍ଦୋଳନ ଜାରିରଖିଥିଲେ। ସନ୍ଧ୍ୟାରେ ଡିଏସ୍ପି ରବୀନ୍ଦ୍ର କୁମାର ଜେନା ଓ ଆଡିସ୍ନାଲ ଏସ୍ପି ଅକ୍ଷୟ କୁମାର ଦାସ ପହଞ୍ଚତ୍ ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିଥିଲେ। ମୃତକଙ୍କ ପରିବାରକୁ ରେଡ୍କ୍ରସ୍ ପାଣ୍ଠରୁ ୧୦ ହଜାର ଏବଂ ହରିଶଚନ୍ଦ୍ର ଯୋଜନାରେ ୨ ହଜାର ଟଙ୍କା ପ୍ରଦାନ କରିଥିଲେ। ଏଥିସହ ଟ୍ରକ୍ ମାଲିକ ବୁଧବାର ୨୦ ହଜାର ଟଙ୍କା ଦେବାକୁ ଆଡିସ୍ନାଲ ଏସ୍ପି ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିବା ଜଣାପଡିଛି। ପୋଲିସ ଟ୍ରକ୍ ଜବତ କରିବା ସହ ଡ୍ରାଇଭରକୁ ଥାନାରେ ଅଟକ ରଖି ତଦନ୍ତ ଚଳାଇଛି। ଏଥିସହ ମୃତଦେହ ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଦୀର୍ଘ ୫ ଘଣ୍ଟା ଆନ୍ଦୋଳନ ଜାରି ରହିବା ଫଳରେ ଯାନବାହନ ଚଳାଚଳ ଏକ ପ୍ରକାର ଠପ୍ ହୋଇଯାଇଥିଲା। ବରୀ ମାଉଣ୍ଡ ବଜାର ପକ୍ଷରୁ ରଘୁନାଥଙ୍କ ମୃତ୍ୟୁକୁ ନେଇ ଗଭୀର ଶୋକ ପ୍ରକାଶ କରାଯିବା ସହ ଦୋକାନ ବଜାର ବନ୍ଦ କରି ଦିଆଯାଇଥିଲା। ବରୀ ବିଧାୟିକା ସୁନନ୍ଦା ଦାସ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା ଗଭୀର ଶୋକ ପ୍ରକାଶ କରିଛନ୍ତି। ପ୍ରକାଶ ଯେ, ଏକ ଦଶଚକିଆ ଟ୍ରକ୍ ବରୀରୁ ବରୁହାଁ ଅଭିମୁଖେ ଯାଉଥିଲା। ବରୀ ମାଉଣ୍ଡ ଟ୍ରେକ୍ର ଷ୍ଟାଣ୍ଡ ନିକଟରରେ ଜଣେ ବ୍ୟବସାୟୀ ସାଇକେଲ ଧରି ରାସ୍ତା ଉପରକୁ ଚାଲି ଆସିଥିଲେ। ଏହା ଦେଖି ରଘୁନାଥ ଟ୍ରକ୍ଟିକୁ ଅଟକାଇବାକୁ ଚେଷ୍ଟା କରିଥିଲେ। ହେଲେ ଟ୍ରକ୍ଡ୍ରାଇଭର ଜାଣିପାରି ନ ଥିଲେ। ଫଳରେ ଗାଡ଼ିଟି ତାଙ୍କୁ ଧକ୍କା ଦେଇ ୨ ଗୋଡରେ ଚଢିଯାଇଥିଲା। ଘଟଣାସ୍ଥଳରେ ରଘୁନାଥଙ୍କ ମୃତ୍ୟୁ ହୋଇଯାଇଥିଲା। ଡ୍ରାଇଭର ଗାଡି ନେଇ ପଳାଇବାକୁ ଚେଷ୍ଟା କରୁଥିବା ବେଳେ ସଦର ଥାନା ପୋଲିସ ପିଛାକରି ଗାଡି ଜବତ କରିବା ସହ ଡ୍ରାଇଭରଙ୍କୁ ଗିରଫ କରି ଥାନାକୁ ଆଣିଥିଲା। ଅନ୍ୟମାନଙ୍କ ମଧ୍ୟରେ ବରୀ ବ୍ଲକ ଅଧ୍ୟକ୍ଷା ସୁଭାଶିନୀ ନାଥ ଶର୍ମା, ଯାଜପୁର ଜିଲା ପୂର୍ବତନ ଭାଜପା ଅଧ୍ୟକ୍ଷ ଆଶୁତୋଷ ପରିଡା, ଜିଲା ପରିଷଦ ସଭ୍ୟ ରବୀନ୍ଦ୍ର ଜେନା, ଉପାଧ୍ୟକ୍ଷ ରମେଶ ଚନ୍ଦ୍ର ଭଞ୍ଜ , ସରପଞ୍ଚ ବିଜୟ ସାହାଣୀ, ସରପଞ୍ଚ ସୁସାନ୍ତ ମଲ୍ଲିକ, କଂଗ୍ରେସ ନେତା ବଳରାମ ବେହେରା ପ୍ରମୁଖ ଘଟଣାସ୍ଥଳରେ ପହଞ୍ଚତ୍ ଲୋକଙ୍କୁ ବୁଝାଶୁଝା କରିଥିଲେ।