ଢେଙ୍କାନାଳ ଅଫିସ,୨୬।୮: ଢେଙ୍କାନାଳ ଜିଲା ସଦର ଥାନା ଅନ୍ତର୍ଗତ ୫୫ ନମ୍ବର ଜାତୀୟ ରାଜପଥର କଣ୍ଟେଇକୋଳିଆ ନିକଟରେ ସୋମବାର ସଡ଼କ ଦୁର୍ଘଟଣା ଘଟିଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଆହତ ହୋଇଛନ୍ତି। ମୃତକ ହେଲେ ନଦୀଆଳି ଗ୍ରାମର ଭରତ ବେହେରା। ଆହତ ଦ୍ୱୟଙ୍କ ପରିଚୟ ଜଣାପଡ଼ି ନ ଥିବା ବେଳେ ସେମାନଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ୩ ଯୁବକ ଆର୍ମିରେ ନିଯୁକ୍ତି ପାଇଁ ସାର୍ଟିଫିକେଟ ନେବାକୁ ଢେଙ୍କାନାଳ ତହସିଲ ଅଫିସକୁ ଯାଉଥିବା ବେଳେ ଏକ ରୋଲର ସହ ଏହି ଦୁର୍ଘଟଣା ଘଟିଥିଲା।