କୋକସରା,୨୬।୯(ଡି.ଏନ.ଏ.) କଳାହାଣ୍ଡି ଜିଲା କୋକସରା ଥାନା ପକ୍ଷରୁ ବୁଧବାର ସଡ଼କ ସୁରକ୍ଷା ନେଇ ସଚେତନତା କାର୍ଯ୍ୟକ୍ରମ ଅୟୋଜନ କରାଯାଇଛି । ଥାନା ଅଧିକାରୀ ସତ୍ୟାନନ୍ଦ ପାତ୍ରଙ୍କ ନେତୃତ୍ୱରେ ମୋଟର ଯାନ ଆଇନକୁ ନେଇ ପୋଲିସ କର୍ମଚାରୀ, ଜବହାର ଉଚ୍ଚ ବିଦ୍ୟାପିଠ ଛାତ୍ରୀଛାତ୍ର ଓ ଶିକ୍ଷକମାନେ ଭାଗ ନେଇ ଲୋକମାନଙ୍କ ମଧ୍ୟରେ ଜନସଚେତନତା ସୃଷ୍ଟି କରିଥିଲେ। ଦୁଇ ଚକିଆ ଯାନରେ ଯାତ୍ରା କରୁଥିବାବେଳେ ହେଲମେଟ ବ୍ୟବହାର ସହ ଟ୍ରାଫିକ ନିୟମ ମାନି ଗାଡି ଚଳାଇବାକୁ ବୁଝାଇଥିଲେ। ରାସ୍ତାରେ ଦୁଇ ଚକିଆ ଯାନରେ ବିନା ହେଲମେଟରେ ଯାଉଥିବା ଚାଳକମାନଙ୍କୁ ଗୋଲାପ ଫୁଲ ଓ ଚକୋଲେଟ ଦେଇ ନିଜର ଭୁଲ ବୁଝିବା ସହ ଆଗାମୀ ଦିନରେ ସୁରକ୍ଷିତ ଯାତ୍ରା କରିବା ପାଇଁ ବୁଝାଇଥିଲେ। ଏହି ଅଭିଯାନରେ କୋକସରା ମହିଳା ଏଏସଆଇ, ମୋଟେର ଫାଣ୍ଡି ଅଧିକାରୀ ଶେଖର ଜେନା, ମହିଳା କନଷ୍ଟେବଳ ସୁଜତା ଦାସ, ଚନ୍ଦନ ମହାପାତ୍ର, ଶୈଳେସ ସିଂ, ଚନ୍ଦ୍ର ମାଝି, କୁଶଧ୍ୱଜ ନାଏକଙ୍କ ସହିତ ଜବହାର ଉଚ୍ଚ ବିଦ୍ୟାପୀଠ ଶିକ୍ଷକ ଖଗେଶ୍ୱର ମାଝି, ବନିତାରାଣୀ ଦତ୍ତ, ମଧୁସ୍ମିତା ନାଏକ, ସୀମାରାଣୀ ସିଂ ପ୍ରମୁଖ ଉପସ୍ଥିତି ଥିଲେ।