ମୁମ୍ବାଇ: ବଲିଉଡ୍ ଅଭିନେତ୍ରୀ ଶ୍ରୁତି ହାସନ ଓ ତାଙ୍କର ଇଟାଲିୟନ୍ ପୁରୁଷ ବନ୍ଧୁ ମାଇକେଲ କୋରସେଲଙ୍କ ମଧ୍ୟରେ ବ୍ରେକ୍ଅପ୍ ହୋଇଥିବା ଖବର ଶୁଣିବାକୁ ମିଳୁଛି। ଅବଶ୍ୟ ଶ୍ରୁତିଙ୍କ ତରଫରୁ ସେମିତି କିଛି ଖବର ମିଳିନାହିଁ। କିନ୍ତୁ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ମାଇକେଲଙ୍କ ସହ ତାଙ୍କର ଥିବା କିଛି ପୋଷ୍ଟ ଡିଲିଟ୍ ହୋଇଥିବା ଜଣାପଡିଛି। ଏଥିରୁ ଅନୁମାନ କରାଯାଉଛି କି ଉଭୟଙ୍କ ମଧ୍ୟରେ ବ୍ରେକ୍ଅପ୍ ହୋଇଯାଇଛି। ପ୍ରଥମ ଦେଖାରେ ଶ୍ରୁତିଙ୍କ ପ୍ରେମରେ ପଡିଥିବା ମାଇକେଲ କ’ଣ ପାଇଁ ଏମିତି କଲେ ତାହା ସ୍ପଷ୍ଟ ହୋଇନାହିଁ। ତେବେ ଶ୍ରୁତିଙ୍କ ପ୍ରେମରେ ପଡିବା ପରେ ମାଇକେଲ ତାଙ୍କ ପିତା କମଲ ହାସନଙ୍କୁ ଦେଖିବାକୁ ଭାରତ ଆସିବା ଏମିତିକି କମଲ ହାସନଙ୍କ ଫିଲ୍ମ ‘ବିଶ୍ୱରୂପମ୍ ୨’ରେ ମାଇକେଲ କାମ କରିବା ଏବେ ଅତିତ ହୋଇ ଯାଇଛି ବୋଲି ଆଲୋଚନା ହେଉଛି।