ଇସ୍ଲାମାବାଦ,୧୩-୯:ଅକଳରେ ପଡ଼ି ଶେଷରେ ସତ ମାନିଛି ପାକିସ୍ତାନ। ବମ୍ବେ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତଥା ତାଙ୍କ ସଙ୍ଗଠନ ଜମାତ୍-ଉଦ୍-ଦାଓ୍ବା (ଜେୟୁଡି) ପଛରେ ପାକିସ୍ତାନ କୋଟି କୋଟି ଟଙ୍କା ଖର୍ଚ୍ଚ କରିଥିବା ସେଠାକାର ସ୍ବରାଷ୍ଟ୍ରମନ୍ତ୍ରୀ ଐଜାଜ୍ ଅହମ୍ମଦ ସ୍ବୀକାର କରିଛନ୍ତି।
ଘରୋଇ ଟିଭି ଚ୍ୟାନେଲ ‘ହମ୍ ନ୍ୟୁଜ୍’ର ଏକ ଆଲୋଚନାରେ ଭାଗନେଇ ଐଜାଜ୍ କହିଛନ୍ତି, ଆତଙ୍କବାଦୀ ହାଫିଜ୍ ସୟିଦଙ୍କ ନିଷିଦ୍ଧ ଘୋଷିତ ଜେୟୁଡି ପଛରେ କୋଟି କୋଟି ଟଙ୍କା ଖର୍ଚ୍ଚ କରାଯାଇଛି। ଆତଙ୍କବାଦୀମାନଙ୍କୁ ସମାଜର ମୁଖ୍ୟସ୍ରୋତକୁ ଫେରାଇ ଆଣିବା ଲାଗି ଏଭଳି ପଦକ୍ଷେପ ନିଆଯାଇଥିବା ସେ ଯୁକ୍ତି ବାଢ଼ିଛନ୍ତି।