ମୁମ୍ବାଇ: ବଲିଉଡ୍ର ବେବି ଡଲ୍ ସନି ଲିଓନି ବିଳାସପୂର୍ଣ୍ଣ ଲାଇଫ୍ଷ୍ଟାଇଲ୍ ପାଇଁ ବେଶ୍ ପରିଚିତ। କିନ୍ତୁ ସନି ଏହିସବୁ ଏକାଥରକେ କମାଇ ନାହାନ୍ତି। ବହୁ କଷ୍ଟ ସହି ଏବେ ବିଳାସମୟ ଜୀବନ ବିତାଉଛନ୍ତି। ପର୍ନ ଇଣ୍ଡଷ୍ଟ୍ରିରୁ ବଲିଉଡ୍ ପର୍ଯ୍ୟନ୍ତ ଯାତ୍ରା ସମୟରେ ସନି କୋଟି କୋଟି ଟଙ୍କାର ମାଲିକାଣୀ ହୋଇପାରିଛନ୍ତି। ଜାଣନ୍ତୁ ସନିଙ୍କ ଏହି ଲାଇଫ୍ଷ୍ଟାଇଲ୍ ସମ୍ପର୍କରେ…
ଲକ୍ଡାଉନ୍ ସମୟରେ ସନି ପରିବାର ସହିତ ଆମେରିକାର ଲସ୍ ଏଞ୍ଜେଲ୍ସରେ ଥିବା ଘରେ ରହୁଛନ୍ତି। ତାଙ୍କର ବିଳାସପୂର୍ଣ୍ଣ ବଙ୍ଗଳା ଦେଖିଲେ ଆଖି ଲାଖିଯିବ। ଗୋଟିଏ ଏକର ଜାଗାରେ ଏହି ବଙ୍ଗଳା ତିଆରି ହୋଇଛି। ଏଥିରେ ୫ଟି ବେଡ୍ରୁମ୍ ରହିଛି। କୁହାଯାଏ, ଏହି ଘର ଆମେରିକାର ସବୁଠୁ ଦାମୀ ଜାଗାରେ ରହିଛି। ବେବର୍ଲି ହିଲ୍ସରୁ ଏଠାକୁ ପ୍ରାୟ ୩୦ ମିନିଟ୍ ସମୟ ଲାଗେ। ଏହା ସହିତ ମୁମ୍ବାଇର ଜୁହୁ ଅଞ୍ଚଳରେ ଆଉ ଏକ ଘର ରହିଛି। ସନି ଏହି ଘର ନିଜକୁ ନିଜେ ଗିଫ୍ଟ କରିଥିଲେ। ଖାସ୍ କଥା ହେଲା ସନି ଏହି ଘରର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି।
ଏହି ଘରର ଫଟୋ ଶେୟାର କରି ସନି କ୍ୟାପ୍ଶନ ଲେଖିଛନ୍ତି, ‘ମୋର ଛୋଟ ଦେଶ ଷ୍ଟାଇଲ୍ର ଘର। ସହର ମଝିରେ ୧ ଏକର ଜମିରେ ଗଢ଼ି ଉଠିଥିବା ଘର’। କହିରଖୁଛୁ, ସନି ଏହି ଘର ତିଆରି ପାଇଁ ସାମଗ୍ରୀ ସବୁ ଇଟାଲୀ, ରୋମ୍ ଏବଂ ସ୍ପେନ୍ରୁ କିଣିଛନ୍ତି। ତେଣୁ ଏହା ବିଳାସପୂର୍ଣ୍ଣ ହୋଇପାରିଛି।
କରୋନା ଯୋଗୁ ସନି ପରିବାର ସହ ଆମେରିକା ଚାଲିଯାଇଛନ୍ତି। ଆଜିକାଲି ସନି ଏହି ଘରେ ରହୁଛନ୍ତି। ସନି କହିଛନ୍ତି, ମୋତେ ଏବଂ ଡାନିଏଲଙ୍କୁ ସୁଯୋଗ ମିଳିଛି, ପିଲାମାନଙ୍କୁ ଧରି ଏକାଠି ରହିବା ପାଇଁ। ଫଳରେ କରୋନାରୁ ସୁରକ୍ଷିତ ରହିପାରିବୁ।