??
କେନ୍ଦୁଝର, ୨୬ା୫ (ସ୍ବ.ପ୍ର./ଡି.ଏନ.ଏ.) -‘ପ୍ରାଣୀଙ୍କ ଆରତ ଦୁଃଖ ଅପ୍ରମିତ ଦେଖୁ ଦେଖୁ କେବା ସହୁ’। ‘ମୋ ଜୀବନ ପଛେ ନର୍କ ପଡିଥାଉ ଜଗତ ଉଦ୍ଧାର ହେଉ।’ ସନ୍ଥକବି ଭୀମଭୋଇଙ୍କ ଏହି ଆଲେଖ ଭାରତ ପାର୍ଲିଆମେଣ୍ଟ ଭବନ ତଥା ମିଳିତ ଜାତିସଂଘରେ ସ୍ଥାନିତ ହୋଇଛି। ତେବେ ଏଭଳି ମହାନ ସନ୍ଥକବି ଭୀମଭୋଇଙ୍କୁ ଆଣ୍ଡ ହିଜ ଫିମେଲ କମସର୍ଟସ ଲେଖାରେ ଚରିତ୍ର ସଂହାର କରାଯାଇଥିବା ଅଭିଯୋଗରେ ମଙ୍ଗଳବାର କୌପିନଧାରୀ କେନ୍ଦୁଝର ସାଧୁଭକ୍ତ ସମିତି ପକ୍ଷରୁ ଜିଲାପାଳଙ୍କ ଜରୀଆରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି। ଲେଖକ କେଦାର ନାଥ ମିଶ୍ରଙ୍କ ଦ୍ୱାରା ଲିଖିତ ଏହି ବିବାଦୀୟ ଲେଖା ଯୋଗୁ ରାଜ୍ୟ ଓ ରାଜ୍ୟ ବାହାରେ ଥିବା କୋଟି କୋଟି ମହିମା ଧର୍ମ ଶ୍ରଦ୍ଧାଳୁଙ୍କ ମନରେ ଯେଉଁ ଆଘାତ ଲାଗିଛି ତାହାକୁ ନେଇ ସାଧୁ ଭକ୍ତ ମାନେ ନିନ୍ଦା କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି।