ଭୁବନେଶ୍ୱର, ୪।୬(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ସନ୍ଧ୍ୟା ସାଢ଼େ ୮ଟାରେ ରାଜ୍ୟବାସୀଙ୍କୁ ସମ୍ବୋଧନ କରିବେ। ଏ ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି। ବର୍ତ୍ତମାନ ରାଜ୍ୟବାସୀ କରୋନା(କୋଭିଡ-୧୯) ମହାମାରୀ ସହ ଲଢ଼େଇ କରୁଛନ୍ତି। ୪ଟି ପର୍ଯ୍ୟାୟ ଲକ୍ଡାଉନ୍ ପରେ ଜୀବନଜୀବିକାକୁ ପୁଣି ସଚଳ କରିବା ଲାଗି ଅନ୍ଲକ୍-୧.୦ ଆରମ୍ଭ କରାଯାଇଛି। ଜୁନ୍ ମାସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ମୌସୁମୀ ଆଗମନ ଥିବାରୁ ପାଗରେ ପରିବର୍ତ୍ତନ ହେବ। ଏହି ସମୟରେ ସତର୍କତା ଅବଲମ୍ବନ କରିବା ପାଇଁ ସରକାର ଜନସାଧାରଣଙ୍କୁ ଅନୁରୋଧ କରିଛନ୍ତି। ମୁଖ୍ୟମନ୍ତ୍ରୀ କୋଭିଡ୍ ଓ ଜୀବନଜୀବିକା ସମ୍ପର୍କରେ ବାର୍ତ୍ତା ଦେବା ନେଇ ସମ୍ଭାବନା ରହିଛି।