କେନ୍ଦୁଝର, ୨୭।୪(ସ୍ବ.ପ୍ର.)-କେନ୍ଦୁଝର ପୁରୁଣା ସହରରେ ମଇଳା ଆବର୍ଜନା ନିୟମିତ ସଫେଇ ହେଉ ନ ଥିବାରୁ ଅସନ୍ତୋଷ ପ୍ରକାଶ ପାଉଛି। ବଡ଼ଦାଣ୍ଡରେ ମଇଳା ଆବର୍ଜନା ପଡୁଥିଲେ ହେଁ ସଫେଇ ହେଉନାହିଁ। ସେହିପରି ବଡ଼ ଦାଣ୍ଡ ସମେତ ଅନ୍ୟାନ୍ୟ ରାସ୍ତାରେ ତଥା ଡ୍ରେନ ଗୁଡ଼ିକ ମଧ୍ୟ ସଫେଇ ହେଉ ନ ଥିବାରୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇଛି। ଆଗକୁ ରଥଯାତ୍ରା ଥିବା ବେଳେ ବଳଦେବଜୀଉଙ୍କ ରଥଯାତ୍ରା ପାଇଁ ନିଷ୍ପତ୍ତି ମୁତାବକ ମନ୍ଦିର ପରିସରରେ ଚାପ ଖେଳ ଓ ରଥ ନିର୍ମାଣ କାର୍ଯ୍ୟ ଅକ୍ଷୟ ତୃତୀୟା ଦିନରୁ ଆରମ୍ଭ ହୋଇଛି। ଏଣୁ ଏହି ଅବସରରେ ପୁରୁଣା ସହରର ପରିବେଶକୁ ସୁସ୍ଥ ରଖିବାକୁ ସ୍ଥାନୀୟ ଅଧିବାସୀମାନେ ଦାବି କରିଛନ୍ତି।