ଆଜିକାଲି ଘରେ ଘରେ ବାଇକ ଅଛି। ହେଲେ ଆମେ ଏଠି ଯେଉଁ ବାଇକ କଥା କହୁଛୁ ତାକୁ କେହି କେବେ ଦେଖି ନ ଥିବେ। ଆଉ ଦେଖିଲେ ଆଶ୍ଚର୍ଯ୍ୟ ନିହାତି ହୋଇଯିବେ। କାରଣ ଏହା ହାତପାପୁଲିରେ ରହିଯାଏ। ହେଲେ ଏହା କାର୍ଯ୍ୟକ୍ଷମ। ‘ସ୍ମଲ ଟୋ’ ନାମକ ଏହି ବାଇକ୍ର ଓଜନ ମାତ୍ର ୧.୦୮ କି.ଗ୍ରା.। ଉଚ୍ଚତା ୨.୫ ଇଞ୍ଚ ଓ ଲମ୍ବ ୪.୫ ଇଞ୍ଚ। ଏହା ଘଣ୍ଟା ପ୍ରତି ୨ କି.ମି. ବେଗରେ ଗତିକରିପାରେ। ଟମ୍ ଓ୍ବିମ୍ବର୍ଗ ଏହାକୁ ତିଆରି କରିଛନ୍ତି। ତେବେ ଏଥିରେ ଲାଇଟ୍ ନାହିଁ, ଗିୟର୍ ନାହିଁ, ବ୍ରେକ୍ ୟୁନିଟ୍ ବି ନାହିଁ। ଏହା ଏକ ସିଙ୍ଗଲ ଗିୟର୍ଡ ମୋଟର, ଯାହାର କେବଳ ଫରଓ୍ବାଡ୍ ଟ୍ରାନ୍ସମିସନ ଅଛି। ଏଥିରେ ଷ୍ଟାର୍ଟିଂ ୟୁନିଟ୍ ବି ନାହିଁ। ଏହା ବାହ୍ୟ ମୋଟର ଦ୍ୱାରା ଷ୍ଟାର୍ଟ ହୁଏ। ଛୋଟ ଆକାର ଲାଗି ଏଥିରେ ସାଧାରଣ ଭାବେ ବସି ହୁଏନା। ତଥାପି ଟମ୍ ବାଇକ୍ର ଦୁଇ ପାର୍ଶ୍ୱରେ ଥିବା ରଡ୍ ଉପରେ ସ୍ବତନ୍ତ୍ର ଜୋତା ପିନ୍ଧି ବସି ଏହାକୁ ଚଳାଇବାରେ ସକ୍ଷମ ହୋଇଥିଲେ। ଆଉ ୩୨.୮ ଫୁଟ୍ ପର୍ଯ୍ୟନ୍ତ ଏହି ବାଇକ୍କୁ ଚଲାଇଥିଲେ।