ଧୀରେ ଧୀରେ ଖରା ବଢ଼ିବାରେ ଲାଗିଛି। ଗରମ ଆଉ ଝାଳରେ କ’ଣ ପିନ୍ଧିଲେ ଆରାମ ଲାଗିବ ତାକୁ ନେଇ ସମସ୍ତଙ୍କ ଚିନ୍ତା। ହେଲେ ଆପଣ ଚାହିଁଲେ ଏମିତି କିଛି ଗେଟ୍ଅପ୍ ବାଛିପାରିବେ ଯାହାକି ଆପଣଙ୍କୁ କମ୍ଫର୍ଟ ସହ ଫ୍ୟାଶନେବଲ ଲୁକ୍ ମଧ୍ୟ ମିଳିବ…
ଗରମ ଆରମ୍ଭ ହେବା ମାତ୍ରେ ମାର୍କେଟକୁ ଆସିଯାଏ ବିଭିନ୍ନ ପ୍ରକାର ନୂଆ ନୂଆ ସମର କଲେକ୍ସନ। ହେଲେ ଏହା ମଧ୍ୟରୁ କ’ଣ ପିନ୍ଧିଲେ ଆପଣ ଫ୍ୟାଶନେବଲ ଲାଗିବେ ଜାଣରଖନ୍ତୁ ସେ ସମ୍ପର୍କରେ…
– ଅଧିକ ଟାଇଟ୍ କିମ୍ବା ହେଭି ପୋଷାକ ପରିବର୍ତ୍ତେ ଲାଇଟ୍ ଏଥ୍ନିକ୍ ଓ୍ବେର୍ ଏବେ ଡିମାଣ୍ଡରେ ଅଛି। ଜର୍ଜେଟ୍ କପଡ଼ାରେ ଚିକନକାରୀ ହୋଇଥିବା ସାଲଓ୍ବାର୍ ସୁଟ୍ ଏବଂ ଦୁପଟା ଗରମରୁ ରକ୍ଷା କରିବା ସହ ଟ୍ରେଣ୍ଡି ଲୁକ୍ ବି ଦେବ।
– ଏହିଦିନେ ଡିପ୍ କଲର ପରିବର୍ତ୍ତେ ଲାଇଟ୍ କଲର ପୋଷାକ ବାଛନ୍ତୁ। ଆପଣ ଚାହିଁଲେ ବିଭିନ୍ନ ଲାଇଟ୍ କଲର ଡିଜିଟାଲ ପ୍ରିଣ୍ଟ କୁର୍ତ୍ତି ପିନ୍ଧିପାରିବେ। ଆରାମ ସହ ଆଟ୍ରାକ୍ଟିଭ୍ ଲୁକ୍ ପାଇଁ ଆପଣ ଚାହିଁଲେ ଏହାକୁ ପ୍ଲାଜୋ ଏବଂ ଲେଗିଂ ସହ ପେୟାର କରିପାରିବେ।
– ଯଦି ସମର ଗେଟ୍ଅପ୍ରେ ଷ୍ଟାଇଲିଶ୍ ଲାଗିବାକୁ ଚାହୁଁଛନ୍ତି ଏବଂ ନୂଆ କିଣିବା ଲାଗି ବଜେଟ କମ୍ ଅଛି ତେବେ ବ୍ୟସ୍ତ ହୁଅନ୍ତୁ ନାହିଁ। କାରଣ ବର୍ତ୍ତମାନ ଅନେକ ଛୋଟ ବଡ଼ ଦୋକାନ ଏବଂ ଷ୍ଟ୍ରିଟ୍ ମାର୍କେଟରେ ଅଳ୍ପ ଟଙ୍କାରେ ଭଳିକି ଭଳି ସମର କଲେକ୍ସନ ଉପଲବ୍ଧ। ଆପଣ ସେଠାରୁ ଟପ୍ସ, ସ୍କର୍ଟ, କୁର୍ତ୍ତି, ପ୍ଲାଜୋ, ସାଲଓ୍ବାର୍ ସୁଟ୍ ଇତ୍ୟାଦି କିଣି ମିକ୍ସ ମ୍ୟାଚ୍ କରି ପିନ୍ଧିପାରିବେ ।
– ଲକ୍ଷ୍ନୌ ଷ୍ଟିଚ୍ କଟନ ଟପ୍ସ, କୁର୍ତ୍ତି ମଧ୍ୟ ଏବେ ଅଧିକାଂଶ ପସନ୍ଦ କରୁଥିବାରୁ ଏହାର ଭଳିକି ଭଳି କଲେକ୍ସନ ମାର୍କେଟରେ ଉପଲବ୍ଧ। ଏହାକୁ ବି ଆପଣ ନିଜ ସମର କଲେକ୍ସନରେ ସାମିଲ କରିପାରିବେ।
-ବର୍ତ୍ତମାନ ଖଦିରେ ବିଭିନ୍ନ ପ୍ରକାର ଷ୍ଟାଇଲିଶ୍ ଜ୍ୟାକେଟ୍, ଓ୍ବେଷ୍ଟ କୋଟ୍, ଡିଜାଇନର ଟପ୍ସ, ସ୍କଟ୍, ପ୍ଲାଜୋ, ସେପାରେଟର୍ସ ଏବଂ ନୂଆ ଡିଜାଇନର ଶାଢ଼ି ପ୍ରସ୍ତୁତ କରାଯାଉଛି, ଯାହା କେବଳ ଦେଖିବାକୁ ଆକର୍ଷଣୀୟ ଲାଗୁନାହିଁ ପିନ୍ଧିବାକୁ ମଧ୍ୟ ବେଶ୍ ଆରାମଦାୟକ ଲାଗୁଛି। ଏହାର ଭଳିକି ଭଳି କଲେକ୍ସନ ମଧ୍ୟ ଲାଟେଷ୍ଟ ସମର ଫ୍ୟାଶନ ଟ୍ରେଣ୍ଡ ପାଲଟିଛି।