ପବିତ୍ରନଗର,୧୩।୬(ଡି.ଏନ.ଏ.)-ଅନୁଗୋଳ ଜିଲା କଣିହାଁ ବ୍ଲକ ସମଲ ବ୍ୟାରେଜରେ ବୁଡ଼ି ଗୁରୁବାର ୨ ଯୁବକ ପ୍ରାଣ ହରାଇଛନ୍ତି। ସେମାନେ ହେଲେ ସମଲ ବ୍ୟାରେଜ କଲୋନୀ ଅଞ୍ଚଳର ବିଶ୍ବରଞ୍ଜନ ନାୟକ ଓ କାହ୍ନୁ ଚରଣ ମହାରଣା। ପୂର୍ବାହ୍ନ ୧ଟାରେ ଉଭୟେ ସମଲ ବ୍ୟାରେଜ ଆନିକଟ ତଳ ଭାଗରେ ଗାଧୋଉ ଥିବାବେଳେ ଗଭୀର ଜଳରେ ବୁଡ଼ି ଯାଇଥିଲେ। ଖବରପାଇ ସ୍ଥାନୀୟ ଲୋକେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଥିଲେ। ଅଗ୍ନିଶମ ବିଭାଗ ଓ ସମଲ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।