ପାରାଦୀପ,୧୨।୬(ସ୍ବ:ପ୍ର:): ସମୁଦ୍ରରୁ ମାଛଧରି ଫେରିବା ବେଳେ ମହାନଦୀ ମୂହାଣରେ ଡଙ୍ଗା ବୁଡି ୨ ମତ୍ସଜୀବୀଙ୍କ ମୃତ୍ୟୁ ଘଟିଛି। ଅନ୍ୟ ଜଣେ ଗୁରୁତର ହୋଇଛନ୍ତି। ମୃତକ ହେଲେ ପାରାଦୀପ ଆଦର୍ଶ ଥାନା ଅନ୍ତର୍ଗତ ବିଜୟଚାନ୍ଦପୁର ବାସିନ୍ଦା ବିଭୁଭୂଷଣ ମାଇତି(୪୯), ଓ ଗୁରୁଚାନ୍ଦ ରାୟ(୪୪)। ଆହତ ହେଲେ ଭୀମ ମଣ୍ଡଳ।
ସୂଚନାନୁଯାୟୀ, ଏହି ୩ ଜଣଙ୍କ ସମେତ ୧୫ ଜଣ ମତ୍ସଜୀବୀ ଗୋଟିଏ ଡଙ୍ଗାରେ ଶୁକ୍ରବାର ଭୋରୁ ସମୁଦ୍ରକୁ ମାଛ ଧରିବା ପାଇଁ ଯାଇଥିଲେ। ମଧ୍ୟାହ୍ନରେ ମାଛଧରି ଫେରୁଥିବା ବେଳେ ମୂହାଣରେ ଭାରସାମ୍ୟ ହରାଇ ଡଙ୍ଗା ବୁଡିଯାଇଥିବା କୁହାଯାଇଛି। ଘଟଣା ପରେ ସମସ୍ତ ୧୫ ଜଣ ମତ୍ସଜୀବୀ ପହଁରି କୂଳକୁ ଫେରିଥିବାବେଳେ ୨ ଜଣଙ୍କ ମୃତ୍ୟୁ ଘଟିଥିଲା। ପରେ ମୃତାହତଙ୍କୁ ସ୍ଥାନୀୟ ପାରାଦୀପ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା।