Categories: ଜାତୀୟ

ସମୁଦ୍ରରେ ବୁଡିଯାଉଥିବା ସୁରକ୍ଷାକର୍ମୀଙ୍କୁ ଉଦ୍ଧାର କଲେ ଚୋରା ଚାଲାଣକାରୀ ଦଳ

ମାଡ୍ରିଡ,୭।୧୦: ସ୍ପେନର ଦକ୍ଷିଣ ସମୁଦ୍ରରେ ଶୁକ୍ରବାର ଏକ ଫିଲ୍ମର ଦୃଶ୍ୟ ଭଳି ଘଟଣା ନଜର ଆସିଥିଲା। ସମୁଦ୍ର ମଧ୍ୟରେ ଗୋଟିଏ ବୋଟ୍‌ରେ ଏକ ଚୋରାଚାଲାଣକାରୀ ଦଳଙ୍କୁ ପିଛା କରୁଥିବା ସୁରକ୍ଷାକର୍ମୀଙ୍କ ବୋଟ୍‌ଟି ବୁଡିଯିବା ଦେଖିବାକୁ ମିଳିଥିଲା। ତେବେ ଉଭୟଙ୍କ ଭିତରେ କିଛି ସମୟର ଲୁଚକାଳି ଖେଳ ପରେ ଉଭୟ ବୋଟ୍‌ ମଧ୍ୟରେ ଧକ୍କା ହୋଇଥିଲା। ଆଉ ସୁରକ୍ଷାକର୍ମୀଙ୍କ ବୋଟ୍‌ଟି ବୁଡିଯିବା ସହ ଏଥିରେ ଥିବା ୩ ସୁରକ୍ଷାକର୍ମୀ ବୁଡିଯାଥିଲେ। ସୁରକ୍ଷାକର୍ମୀଙ୍କ ଉପରେ ନଜର ରଖିଥିବା କୋଷ୍ଟ ଗାର୍ଡର ଏକ ହେଲିକପ୍ଟର ଏହା ଦେଖିବା ପରେ ଚୋରାଚାଲାଣକାରୀଙ୍କୁ ସାହାଯ୍ୟ ମାଗିଥିଲା। ଆଉ ବୁଡିଯାଇଥିବା ବୋଟ୍‌ ଠାରୁ କିଛି ଦୂରକୁ ଚାଲିଯାଇଥିବା ଚୋରାଚାଲାଣକାରୀମାନେ ମାନବିକତା ଦୃଷ୍ଟିରୁ ଫେରିଆସି ବୁଡି ଯାଉଥିବା ସୁରକ୍ଷାକର୍ମୀଙ୍କୁ ଉଦ୍ଧାର କରିଥିଲେ। ଏହାପରେ ସୁରକ୍ଷାକର୍ମୀ ସେମାନଙ୍କୁ ଧନ୍ୟବାଦ ଦେଇଥିଲେ ସତ କିନ୍ତୁ ପରେ ପରେ ସେମାନେ ଚୋରା ଚାଲାଣକାରୀଙ୍କୁ ଗିରଫ କରିଥିଲେ।

Share