ସମ୍ବଲପୁର, ୭।୫ (ବ୍ୟୁରୋ)- ପୂର୍ବତଟ ରେଳବାଇ ସମ୍ବଲପୁର ରେଳ ମଣ୍ଡଳରେ ବିଦ୍ୟୁତ ନିରାପତ୍ତା ସପ୍ତାହ ପାଳିତ ହୋଇଯାଇଛି । ବିଭିନ୍ନ ରେଳଷ୍ଟେଶନ, ରେଳବାଇ କଲୋନୀ, ଅଫିସ ଓ ମଣ୍ଡଳ ଅଫିସରେ ବିଦ୍ୟୁତ ନିରାପତ୍ତା ସ୍ଲୋଗାନ, ବ୍ୟାନର, ଷ୍ଟିକର୍ ଏବଂ ପୋଷ୍ଟର ପ୍ରଦର୍ଶିତ କରାଯାଇଥିଲା । ବିଦ୍ୟୁତ୍ର ସଂରକ୍ଷିତ ଉପଯୋଗ, ଦୁର୍ଘଟଣାର କାରଣ ଏବଂ ନିରାକରଣ ବିଷୟରେ ବିଦ୍ୟୁତ୍ ବ୍ୟବହାରକାରୀଙ୍କୁ ସଚେତନ କରାଯାଇଥିଲା । ସେହିପରି ମଣ୍ଡଳର ବଡ ବିଦ୍ୟୁତ ଉପକରଣ ଗୁଡିକ ଯାଞ୍ଚ କରାଯାଇଥିଲା । କିପରି ବିଦ୍ୟୁତ ଦୁର୍ଘଟଣା ଶୂନ୍ୟ ହେବ ସେ ନେଇ ସୁପରଭାଇଜର ଓ କର୍ମଚାରୀମାନେ ଶପଥ ପାଠ କରିଥିଲେ ।