ଭୁବନେଶ୍ୱର,୨।୫(ବ୍ୟୁରୋ): ସରକାରୀ କର୍ମଚାରୀଙ୍କ ପାଇଁ କ୍ରିଟିକାଲ ଓ ପାର୍ସିଆଲି କ୍ରିଟିକାଲ୍ ବର୍ଗକୁ ବଦଳାଯାଇଛି। କ୍ରିଟିକାଲ ବର୍ଗରେ ୧୫ଟି ବିଭାଗ ରହିଛି। ସେହିଭଳି ପାର୍ସିଆଲି କ୍ରିଟିକାଲ ବର୍ଗରେ ଅନ୍ୟ ସମସ୍ତ ବିଭାଗ ରହିଛି। କୃଷି, ବାଣିଜ୍ୟ ପରିବହନ, ସମନ୍ବୟ, ଅବକାରୀ, ଏଫ୍ ଆଣ୍ଡ ଆର୍ଡି, ଅର୍ଥ, ଏଫ୍ଏସ୍ ଆଣ୍ଡ ସିଡବ୍ଲୁ, ଜିଏ ଆଣ୍ଡ ପିଜି, ଏଚ୍ ଆଣ୍ଡ ୟୁଡି, ସ୍ବାସ୍ଥ୍ୟ ଓ ପରିବାର କଲ୍ୟାଣ, ଗୃହ, ଶ୍ରମ, ପିଆର୍ ଆଣ୍ଡ ଡିଡବ୍ଲୁ, ଆର୍ ଆଣ୍ଡ ଡିଏମ୍, ଇସ୍ପାତ ଓ ଖଣି କ୍ରିଟିକାଲ ବର୍ଗରେ ଯାଉଛି। ଏହାର ୫୦% କର୍ମଚାରୀ ରୋଷ୍ଟର ଡ୍ୟୁଟି କରିବାକୁ ନିର୍ଦ୍ଦେଶ ଦିଆଯାଇଛି। ସେହିଭଳି ପାର୍ସିଆଲି କ୍ରିଟିକାଲ ବର୍ଗ ଅଧୀନ ବିଭାଗର ୩୦% କର୍ମଚାରୀ ରୋଷ୍ଟର ଡ୍ୟୁଟି କରିବେ। ଯେଉଁମାନେ ଅଫିସ ଆସିବେ ନାହିଁ ସେମାନେ ଘରୁ ଅଫିସ କାମ କରିବେ। ଏହି ନିର୍ଦ୍ଦେଶନାମା ମେ’ ୪ରୁ ୧୭ ତାରିଖ ପର୍ଯ୍ୟନ୍ତ ବଳବତ୍ତର ରହିବ।
