ଲାଠୋର, ୧୯ା୭(ଡି.ଏନ୍.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଧୀନ ଲାଠୋର ବିର୍ତ୍ତିଆ ପଡ଼ାର କାଳିଆ ସୁନା। ସେ ଝନେ ନିହାତି ଗରିବ୍ ହେଇଥିଲାବେଲେ କେହେନ୍ସି ଗୁଟେ ରୋଗ୍ ଲାଗି ଘରେ ପଡ଼ି ରହିଛନ୍। ଏନ୍ତାଥି ପରିବାର ଲୋକ୍ ସରକାରୀ ଚିକିସତ୍ା ସାହାଯ୍ ଲାଗି ଥାନୀୟ ପରଶାସନକେ ନିବେଦନ୍ କରିଛନ୍।
ସୂଚନା ଅନ୍ସାରେ କାଳିଆକଁର ପରିବାର କହେଲେ ମାଏକିନା ରତ୍ନା ଆର ଦୁଇ ଝି’କେ ନେଇ ତାକର ସଁସାର। ଜମିବାଡ଼ି ସଁପତି ବଲି ତାକର କିଛି ନାଇଁ। ଲୋକ୍ ମରିହଜି ଗଲେ ପରିବାର ଲୋକ୍ ଯେନ୍ ଦାନ୍ଦପାନ କରସନ୍ ସେ ଦାନ୍ ଛିନି ନିଜର କୁଟୁମ ପୁଷୁଥିଲେ। ସରକାରୀ ଯୋଜନାରେ ସେ ଗୁଟେ ପକାଘର ଆର ମାସିକ ୧୦ କେ.ଜି. ଚାଉଲ ପାଉଛନ୍। ହେଲେ ଅନେକ ଦିନ୍ ହେଲା କେହେନ୍ସି କାରନରୁ ତାକର ଦୁଇ ଗୋଡ଼ ଫୁଲି ଯାଇ ଘା ହେଇଯାଇଛେ। ନିଜରନେ ଯାହା ଥିଲା ଖରଚ୍ କରି ଚିକିସତ୍ିତ ହେଇ ନିରାଶ ହେଲେ। ଏଭେ ଦିନାକେତେ ତଲେ ସେ ନିଜର ଝନେ ଲାଗେଲେସରନୁ ୩ ହଜର ଟଁକା ଉଧାର ଆନି ପାଟଣାଗଡ଼ର ଗୁଟେ ଘରୋଇ କ୍ଲିନିକରେ ଚିକିସତ୍ିତ ହେଉଥିଲେ। ହେଲେ ଆଏଜ୍ତକ ସେ ନିରୋଗ୍ ନୁହେ ହୁଅନ୍। ଇଆଡ଼େ କାଳିଆ ପରିବାରର ଝନେ ବଲି ରୁଜଗାରିଆ ଲୋକ୍। ସେ ଘରେ ପଡ଼ି ରହିଲାବେଲେ ଦିନୁଦିନ୍କେ ଘରର ଅବସ୍ତା ଦୁରବଲ ହେତେଲ ଯାଉଛେ। ଇ ଦିଗେ ସ୍ବାସ୍ଥ୍ୟ ବିଭାଗ ଦୁରୁଷ୍ଟି ଦେଇ କାଳିଆକୁଁ ଉଧାର କରି ସରକାରୀ ଚିକିସତ୍ା ସୁବିଧା ଯୁଗେଇ ଦେବାକେ ଦାବି ହେଉଛେ।