ଚୌଦ୍ୱାର,୨୯ା୪(ଡି.ଏନ୍.ଏ.) : ସାରାଦେଶରେ ଲକ୍ଡାଉନ୍ ଜାରି ହୋଇଛି। ଏହି ଲକ୍ଡାଉନ୍ ଯୋଗୁ ଗରିବ,ଖଟିଖିଆ, ଦିନ ମଜୁରିଆଙ୍କଠାରୁ ଆରମ୍ଭ କରି ବିଭିନ୍ନ ବର୍ଗର ଲୋକେ ବେଶ୍ ପ୍ରଭାବିତ ହୋଇଛନ୍ତି। ଏମାନଙ୍କ ଭିତରେ ଚୌଦ୍ୱାରରେ ଥିବା ଟ୍ୟାକ୍ସି ଚାଳକ ସଂଘର ୨୦୦ରୁ ଊର୍ଦ୍ଧ୍ୱ ପଞ୍ଜୀକୃତ ଡ୍ରାଇଭର ଓ ସେମାନଙ୍କ ପରିବାର ନାନାଦି ଅସୁବିଧାରେ କାଳାତିପାତ କରୁଛନ୍ତି। ବର୍ତ୍ତମାନ ପରିସ୍ଥିତିରେ ଟ୍ୟାକ୍ସି ଉପରେ ଲାଗିଥିବା କଟକଣା ଯୋଗୁ ଚକବନ୍ଦ, ଅଖବନ୍ଦ ଭଳି ଅବସ୍ଥା ଦେଖାଦେଇଛି। ଫଳରେ ଟ୍ୟାକ୍ସି ଚାଳକମାନେ କାମ ହରାଇ ସରକାରୀ ସହାୟତାକୁ ଅପେକ୍ଷା କରିଛନ୍ତି। କେନ୍ଦ୍ର ସରକାରଙ୍କଠାରୁ ଆରମ୍ଭ କରି ରାଜ୍ୟ ସରକାର ପର୍ଯ୍ୟନ୍ତ ସମସ୍ତଙ୍କୁ ସରକାରୀ ଯୋଜନାରେ ସହାୟତା ପ୍ରଦାନ କରୁଥିବାବେଳେ ରାଜ୍ୟ ସରକାର ସେମାନଙ୍କୁ ଅବହେଳା କରୁଥିବା ସଂଘ ଅଭିଯୋଗ କରିଛି। ଏନେଇ ଟ୍ୟାକ୍ସି ଚାଳକ ସଂଘ ପକ୍ଷରୁ କଟକ ଜିଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଚୌଦ୍ୱାର ପୌରପାଳିକା ନିର୍ବାହୀ ଅଧିକାରୀ ପ୍ରଦୀପ୍ତ କୁମାର ବେହେରାଙ୍କୁ ପ୍ରଦାନ କରାଯାଇଛି। ଟ୍ୟାକ୍ସି ଚାଳକ ସଂଘର ସଭାପତି ଜୟ ସିଂହଙ୍କ ଆବାହକତ୍ୱରେ ବହୁ ସଂଖ୍ୟକ ଡ୍ରାଇଭର ସାମାଜିକ ଦୂରତା ରକ୍ଷା କରି ଦାବିପତ୍ର ପ୍ରଦାନ କରିଥିଲେ।