ସୋର, ୪।୨(ଡି.ଏନ.ଏ.)-ସରସ୍ବତୀଙ୍କ ମୂର୍ତ୍ତି ଭସାଣକୁ କେନ୍ଦ୍ର କରି ସୋର ଥାନା ଅଧୀନ ସୋର ମ୍ୟୁନିସିପାଲିଟି ଅନ୍ତର୍ଗତ ଈଶ୍ୱରପୁର ଓ ମାଟିଆପଲା ଗ୍ରାମର ଦୁଇଗୋଷ୍ଠୀ ମଧ୍ୟରେ ଗଣ୍ଡଗୋଳ ଘଟିଛି। ସୋର ପୋଲିସ ପହଞ୍ଚତ୍ବା ପରେ ଗଣ୍ଡଗୋଳ ଶାନ୍ତ ପଡ଼ିଥିଲା। ଅନ୍ୟପକ୍ଷରେ ସୋର ପୋଲିସ ୨ଜଣଙ୍କୁ ଅଟକ ରଖିବା ସହିତ ମାଟିଆପଲା ଗ୍ରାମରେ ପୋଲିସ ଫୋର୍ସ ମୁତୟନ କରିଛନ୍ତି। ଉଭୟପକ୍ଷଙ୍କ ମଧ୍ୟରେ ସମାଧାନ ହେବା ନେଇ ଉଦ୍ୟମ ଚାଲୁ ରହିଛି।
ରବିବାର ରାତିରେ ଈଶ୍ୱରପୁର ଗ୍ରାମ ଦେଇ ସରସ୍ବତୀ ମୂର୍ତ୍ତି ଭସାଣି ନେଇ ମାଟିଆପଲା ଗ୍ରାମର କେତେକ ଯୁବକ ଯାଉଥିଲେ। ଉଭୟ ଆଗରେ ଯିବାକୁ ନେଇ ଗାଳିଗୁଳଜ ଓ ମାରପିଟ୍ ହୋଇଥିଲା। ଏଥିରେ ଦୁଇଜଣ ଆହତ ହୋଇଥିଲେ। ଉକ୍ତ ଘଟଣାକୁ ନେଇ ଉଭୟପକ୍ଷ ସୋର ଥାନାରେ ଅଭିଯୋଗ କରିଥିଲେ। ଏନେଇ ସୋମବାର ସମାଧାନ କରାଯିବା ନେଇ ଥାନାରେ ଉଭୟପକ୍ଷ ରାଜି ହୋଇଥିଲେ। ତେବେ ସୋମବାର ସକାଳେ ମାଟିଆପଲା ଗ୍ରାମର କେତେକ ଯୁବକ ଈଶ୍ୱରପୁର ଗ୍ରାମର ଦୁଇ ଯୁବକଙ୍କୁ ମାଟିଆପଲା ଛକଠାରେ ଆକ୍ରମଣ କରିଥିଲେ। ଏଥିରେ ଈଶ୍ୱରପୁର ଗ୍ରାମବାସୀ ଉତ୍କ୍ଷିପ୍ତ ହୋଇ ଗ୍ରାମର ମହିଳା ଓ ପୁରୁଷ ମାଟିଆପଲା ଗ୍ରାମରେ ପହଞ୍ଚତ୍ କେତେକଙ୍କ ଘରେ ପଶି ଆସବାବପତ୍ର ଭାଙ୍ଗି ଦେଇଥିଲେ।