ଛେଣ୍ଡିପଦା,୨୩।୮(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବ୍ଲକ ଅଞ୍ଚଳରେ ଥିବା ସରସ୍ବତୀ ଶିଶୁମନ୍ଦିରରେ ଶୁକ୍ରବାର ଜନ୍ମାଷ୍ଟମୀ ପାଳନ ହୋଇଯାଇଛି । ଏହି ଅବସରରେ ଶିଶୁମନ୍ଦିର ପରିସରରେ ଶ୍ରୀକୃଷ୍ଣଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପୂଜାର୍ଚ୍ଚନା କରାଯାଇଥିଲା। ପରେ ବାଳଗୋପାଳ କୃଷ୍ଣଙ୍କୁ ଝୁଲଣ କରାଯାଇଥିଲା। ଛାତ୍ରୀଛାତ୍ରମାନେ ଶ୍ରୀକୃଷ୍ଣ, ରାଧା, ଯଶୋଦା, ସୁଦାମ, ଗୋପୀ, ଗୋପାଳଙ୍କ ବେଶରେ ସଜ୍ଜିତହୋଇ ସହର ପରିକ୍ରମା କରିବା ସହିତ ଶ୍ରୀକୃଷ୍ଣଙ୍କ ସମ୍ପର୍କରେ ବାର୍ତ୍ତା ଦେଇଥିଲେ।
ଜନ୍ମାଷ୍ଟମୀ ପାଳନ ଦ୍ବାରା ଛାତ୍ରୀଛାତ୍ରଙ୍କ ମଧ୍ୟରେ ଆଧ୍ୟାତ୍ମିକ ଚେତନା ସୃଷ୍ଟି ହୋଇପାରିବ ବୋଲି ଶିକ୍ଷାବିତ୍ମାନେ ମତ ପ୍ରକାଶ କରିଥିଲେ। କୋଶଳା, ଛେଣ୍ଡିପଦା, ବାଗଡ଼ିଆ, ଜରପଡ଼ା ଆଦି ସରସ୍ବତୀ ଶିଶୁମନ୍ଦିରର ପ୍ରଧାନ ଆଚାର୍ଯ୍ୟ, ଗୁରୁଜୀ,ଗୁରୁମା’ଙ୍କ ପ୍ରତ୍ୟକ୍ଷ ସହଯୋଗରେ ମହାଆଡମ୍ବରରେ ଏହି ପର୍ବ ପାଳିତ ହୋଇଯାଇଛି ।
