ରୂପ୍ସା, ୧୯।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ବାହାବଳପୁର ଓ ବଳରାମଗଡ଼ି ନିକଟ ସମୁଦ୍ରରେ ୨ଦିନ ବ୍ୟାପୀ ଅନୁଷ୍ଠିତ ତଟ ସୁରକ୍ଷା ସମରାଭ୍ୟାସ ‘ସାଗରକବଚ’ ଗୁରୁବାର ଶେଷ ହୋଇଯାଇଛି। ଡିଏସ୍ପି (ଡିଆଇବି) ରଜତ କୁମର ରାୟଙ୍କ ତତ୍ତ୍ୱାବଧାନରେ ବୋଟ୍ ମାଷ୍ଟର ପୂର୍ଣ୍ଣଚନ୍ଦ୍ର ମିଶ୍ର ଓ ପ୍ରଦୀପ କୁମାର ସାହୁ ସେରଙ୍ଗ ଚୈତନ୍ୟ ହେମ୍ବ୍ରମ ଓ ନିରଞ୍ଜନ ନାୟକ, ଇଞ୍ଜିନ ଡ୍ରାଇଭର ଶୈଳ କୁମାର ମହାରଣା, ଏଏସ୍ଆଇ ଏନ୍ କେ ମାଝି ପ୍ରମୁଖ ସ୍ବତନ୍ତ୍ର ତାଲିମପ୍ରାପ୍ତ ବରିଷ୍ଠ ଅଧିକାରୀ ଓ ୧ ସେକ୍ସନ ଏପିଆର ଫୋର୍ସଙ୍କ ସହ ବଳରାମଗଡ଼ି ନିକଟ ସମୁଦ୍ର ଭିତରକୁ ଏକ ସ୍ବତନ୍ତ୍ର ବୋଟ ଯୋଗେ ଯାଇ ସମରାଭ୍ୟାସ କରିଥିଲେ।
ସେହିପରି ବସ୍ତା ଏସ୍ଡ଼ିପିଓ ରଣଜିତ ପୃଷ୍ଟିଙ୍କ ତତ୍ତ୍ୱାବଧାନରେ ବାହାବଳପୁର ସାମୁଦ୍ରିକ ଥାନା ଆଇଆଇସି ଲକ୍ଷ୍ମଣ କୁମାର ବେହେରାଙ୍କ ନେତୃତ୍ୱରେ ଏଏସ୍ଆଇ ଏଚ ଏମ୍ ଦାସପଟ୍ଟନାୟକ, ଏଏସ୍ଆଇ ଲମ୍ବୋଦର ବାରିକ ଓ ବୋଟ ମାଷ୍ଟର ସୁନୀଲ ମହାପାତ୍ର ଓ ୧ ପ୍ଲାଟୁନ ରିଜର୍ଭ ପୋଲିସ ଫୋର୍ସ ଏହି ସମୁଦ୍ର ସମରାଭ୍ୟାସରେ ସାମିଲ ହୋଇଥିଲେ। ଜଳପଥରେ ଅନୁପ୍ରବେଶକାରୀଙ୍କୁ ଦମନ, ଜଳଦସ୍ୟୁ ଓ ଗତିବିଧି ଅନୁଧ୍ୟାନ କରିବା ସହ ସମୁଦ୍ରତଟ ଓ ତଟବର୍ତ୍ତୀ ଅଞ୍ଚଳ ସୁରକ୍ଷା ଦିଗରେ ବିଭିନ୍ନ କୌଶଳ ଶିକ୍ଷା ଦିଆଯାଇଥିଲା। ଜଳପଥରେ ଅପରାଧ ନିୟନ୍ତ୍ରଣ ସହ ଅପରାଧିକ କାର୍ଯ୍ୟକଳାପ ମୂଳୋପତ୍ାଟନ ଲାଗି ତାଲିମ ପ୍ରଦାନ କରାଯାଇଥିଲା।