ଫୁଲବାଣୀ, ୨୭ା୧୨(ରାକେଶ କୁମାର ରାଉତ): ଫୁଲବାଣୀ ସର୍କିଟ ହାଉସରେ ଫୁଲବାଣୀ ବିଧାୟକଙ୍କ ଗାଡି.େରେକେହି ଦୁର୍ବୃତ୍ତ ନିଆଁ ଲଗାଇ ଦେଇଛନ୍ତି । ଘଟଣାର ପ୍ରକୃତ କାରଣ ଜଣା ପଡିନାହିଁ । କିଏ ଏବଂ କେଉଁ ପରିସ୍ଥିତିରେ ଏପରି କଲା ପୋଲିିସ ତାହାର ତନାଘନା କରୁଛି । ଏସ୍ପି ହରିଶ.ବିସି ଘଟଣାସ୍ଥଳକୁ ଯାଇ ଛାନଭିନ୍ନ ଆରମ୍ଭ କରିଛନ୍ତି । ଏହି ଘଟଣାକୁ ନେଇ ସର୍କିଟ ହାଉସର ସୁରକ୍ଷାକୁ ନେଇ ପ୍ରଶ୍ନ ଉଠିଛି । ମିଳିଥିବା ସୁଚନା ଅନୁସାରେ ଫୁଲବାଣୀ ବିଧାୟକ ଉମାଚରଣ ମଲ୍ଲିକ କୌଣସି କାମରେ ଆସି ଗୁରୁବାର ରାତିରେ ସର୍କିଟ ହାଉସରେ ରାତ୍ର ଯାପନ କରିଥିଲେ । ସେଠାରେ ହାଇକୋର୍ଟ ଜଜ୍ ମଧ୍ୟ ଅନ୍ୟ କୋଠରୀରେ ଥିଲେ । ରାତି ପ୍ରାୟ ୨ ଟା ବେଳେ ଜଜ୍ଙ୍କ ସୁରକ୍ଷା ଦାୟିତ୍ୱରେ ଥିବା ହୋମଗାର୍ଡ ବିଧାୟକଙ୍କ ଗାଡି ସମେତ ଦୁଇଟି ବାଇକରେ ନିଆଁ ଲାଗିଥିବା ଦେଖି କର୍ମଚାରୀମାନଙ୍କୁ ଡାକିଥିଲେ । ତୁରନ୍ତ ପୋଲିସ, ଦମକଳ ବାହିନୀକୁ ଖବର ଦିଆ ଯାଇଥିଲା । ବିଦ୍ୟୁତ୍ ବିଭାଗ କର୍ମଚାରୀ ମଧ୍ୟ ଆସି ପହଞ୍ଚିଥିଲେ । ଦମକଳ ବାହିନୀ ନୀଆଁକୁ ଆୟତ୍ତ କରିବା ପରେ ପୋଲିସ ଯାଞ୍ଚ ଆରମ୍ଭ କରିଥିଲା । ବିଧାୟକଙ୍କ ପିଏସ୍ଓଙ୍କ ବାଇକ ଏବଂ ସର୍କିଟ ହାଉସର ଜଣେ କର୍ମଚାରୀଙ୍କ ସ୍କୁଟି ସମ୍ପୂର୍ଣ୍ଣ ପୋଡି ଯାଇଛି । ବିଧାୟକଙ୍କ ଗାଡି ଆଂଶିକ ପୋଡିଛି । ଏ ପର୍ଯ୍ୟନ୍ତ କିପରି ନିଆଁ ଲାଗିଲା ତାହା ସ୍ପଷ୍ଟ ହୋଇନାହିଁ ।
