ନୂଆଦିଲ୍ଲୀ,୨୩-୭: ସୁନା ଦର ସୋମବାର ସର୍ବକାଳୀନ ରେକର୍ଡ ସ୍ତରରେ ପହଞ୍ଚତ୍ୟାଇଛି। ଦିଲ୍ଲୀ ସର୍ରାଫା ବଜାରରେ ସୁନା ୧୦୦ ଟଙ୍କା ବୃଦ୍ଧି ପାଇ ୧୦ ଗ୍ରାମ ୩୫,୯୭୦ ଟଙ୍କା ହୋଇଛି। ଗହଣା ଦୋକାନୀଙ୍କ ପକ୍ଷରୁ କ୍ରମାଗତ କିଣା ଯାଉଥିବାରୁ ସୁନାର ଦରବୃଦ୍ଧି ଘଟିଚାଲିଛି ବୋଲି କୁହାଯାଉଛି। ନିଖିଳ ଭାରତ ସର୍ରାଫା ସଂଘ ମୁତାବକ, ରୁପା ଦର ମଧ୍ୟ ସୋମବାର ବଢ଼ିଛି। ଔଦ୍ୟୋଗିକ ଓ ମୁଦ୍ରା ନିର୍ମାତାଙ୍କ ଚାହିଦା ବୃଦ୍ଧି ଯୋଗୁ ରୁପା ୨୬୦ ଟଙ୍କା ବଢ଼ି ୪୧,୯୬୦ ଟଙ୍କା କେଜିରେ ପହଞ୍ଚତ୍ୟାଇଛି। ସଂଘ ଉପାଧ୍ୟକ୍ଷ ସୁରେନ୍ଦ୍ର ଜୈନ କହିଛନ୍ତି ଯେ, ଘରୋଇ ଷ୍ଟକ ବଜାର କ୍ରମାଗତ ହ୍ରାସ ପାଉଥିବାରୁ ନିବେଶକ ବାଧ୍ୟ ହୋଇ ସୁନାକୁ ସୁରକ୍ଷିତ ନିବେଶ ମନେ କରି କିଣାକିଣି ବଢ଼ାଇ ଦେଇଛନ୍ତି। ସୁନା ବ୍ୟତୀତ ଅନ୍ୟ ମୂଲ୍ୟବାନ ଧାତୁ ପ୍ରତି ମଧ୍ୟ ସେମାନଙ୍କ ନଜର ରହିଛି। ବିଶ୍ୱ ସ୍ତରରେ ହାଜିର ସୁନା ଦର ୧୪୨୫.୬୦ ଡଲାର ଓ ରୁପା ୧୬.୪୦ ଡଲାର ପ୍ରତି ଆଉନ୍ସ ରହିଛି। ଦିଲ୍ଲୀ ସର୍ରାଫା ବଜାରରେ ୯୯.୯ ପ୍ରତିଶତ ଏବଂ ୯୯.୫ ପ୍ରତିଶତ ଶୁଦ୍ଧତାର ସୁନା ମୂଲ୍ୟ ୧୦୦ ଟଙ୍କା ଲେଖାଏ ବଢ଼ି ଯଥାକ୍ରମେ ୩୫,୯୭୦ ଟଙ୍କା ଏବଂ ୩୫,୮୦୦ ଟଙ୍କା ରହିଛି। ୮ ଗ୍ରାମ ଓଜନର ଗିନି ସୁନା ମୂଲ୍ୟ ମଧ୍ୟ ୧୦୦ ଟଙ୍କା ବୃଦ୍ଧି ପାଇ ୨୭,୫୦୦ ଟଙ୍କା ହୋଇଛି।