ମୁମ୍ବାଇ : ଦେଶରେ ଲକ୍ଡାଉନ୍ ଚାଲିଥିବାରୁ ସାଧାରଣ ଲୋକଙ୍କଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ଘରେ ସମୟ କାଟୁଛନ୍ତି। ବଲିଉଡ୍ର କିଛି ସେଲିବ୍ରିଟି ସେଲ୍ଫ୍ କ୍ୱାରାଣ୍ଟାଇନ୍ରେ ମଧ୍ୟ ଅଛନ୍ତି। ଏଥିରୁ ବାଦ୍ ପଡ଼ିନାହାନ୍ତି ଅଭିନେତ୍ରୀ ଜ୍ୟାକ୍ଲିନ୍ ଫର୍ନାଡିଜ୍। ଲକ୍ଡାଉନ୍ରେ ସେ ଖୁବ୍ ସୁନ୍ଦର ସମୟ ଅତିବାହିତ କରୁଛନ୍ତି। ଯେତେବେଳେ ଦେଶରେ ଲକ୍ଡାଉନ୍ ଜାରି ହେଲା ସେତେବେଳେ ଜ୍ୟାକ୍ଲିନ୍ ଅନ୍ତରଙ୍ଗ ବନ୍ଧୁ ତଥା ଅଭିନେତା ସଲମାନ ଖାଁଙ୍କ ଫାର୍ମ ହାଉସରେ ଫସିଯାଇଥିଲେ। ଏହି ସମୟରେ ଜ୍ୟାକ୍ଲିନ୍ ଫାର୍ମହାଉସରେ କ’ଣ କରୁଛନ୍ତି ତାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଦବଙ୍ଗ ଖାନ୍ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମରେ ଜ୍ୟାକ୍ଲିନ୍ଙ୍କ ଏକ ଭିଡିଓ ଶେୟାର କରିଛନ୍ତି। ୩ ମିନିଟ୍ ୪୮ ସେକେଣ୍ଡ୍ର ଏହି ଭିଡିଓରେ ଜ୍ୟାକ୍ଲିନ୍ ସଲମାନଙ୍କ ଫାର୍ମହାଉସ୍ରେ ଥିବା କୁକୁର, ବିଲେଇ ଘୋଡ଼ା, କୁକୁଡ଼ା, ଛେଳି ସମସ୍ତଙ୍କ ସହିତ ସମୟ ବିତାଉଛନ୍ତି। ଏପରିକି ଗଛଚଢ଼ା ମଧ୍ୟ ଶିଖୁଛନ୍ତି। ସଲମାନ ଶେୟାର କରିଥିବା ଭିଡିଓରେ ଜ୍ୟାକ୍ଲିନ୍ ଘୋଡ଼ାକୁ ଗାଧୋଇ ଦେବା ସହ ତାକୁ ଖାଇବାକୁ ଦେଉଛନ୍ତି। ଭିଡିଓକୁ ଜ୍ୟାକ୍ଲିନ୍ ପ୍ରସ୍ତୁତ କରିଥିବା ବେଳେ ସଲମାନଙ୍କ ତାଙ୍କ ଇନ୍ଷ୍ଟାରେ ଶେୟାର କରିଛନ୍ତି। ଏଥିରେ ସଲମାନ କ୍ୟାପଶନ ଲେଖିଛନ୍ତି, ‘ଜ୍ୟାକ୍ଲିନଙ୍କ ଦ୍ୱାରା ପ୍ରସ୍ତୁତ ଫିଲ୍ମ’। ସୋସିଆଲ ମିଡିଆରେ ଏହି ଭିଡିଓ ବେଶ୍ ଭାଇରାଲ ହେବାରେ ଲାଗିଛି। କହିରଖୁଛୁ ଲକ୍ଡାଉନ୍ ଯୋଗୁ ଫାର୍ମହାଉସ୍ରେ ସଲମାନଙ୍କ ପରିବାର ସଦସ୍ୟଙ୍କ ସହ ୟୁଲିଆ ବନ୍ତୁର ଏବଂ ଆଉ କିଛି ବନ୍ଧୁ ଫସି ରହିଛନ୍ତି।