ମୁମ୍ବାଇ: ବଲିଉଡ୍ ଅଭିନେତା ସଲମାନ ଖାଁଙ୍କ ବିବାହକୁ ନେଇ ଏପର୍ଯ୍ୟନ୍ତ ପ୍ରଶ୍ନ କରୁଛନ୍ତି ତାଙ୍କ ପ୍ରଶଂସକ। ହେଲେ ନିକଟରେ ସଲମାନ ତାଙ୍କ ଫିଲ୍ମ ‘ଦବଙ୍ଗ-୩’ର ପ୍ରମୋଶନ ପାଇଁ ‘କପିଲ ଶର୍ମା ଶୋ’କୁ ଆସିଥିବା ବେଳେ ଏହାକୁ ନେଇ ମଜା କରିଥିଲେ ଅର୍ଚ୍ଚନା ପୁରନ ସିଂ। ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ସଲମାନଙ୍କ ସହ ପ୍ରମୋଶନରେ ଆସିଥିଲେ ଫିଲ୍ମର ନେଗେଟିଭ କ୍ୟାରେକ୍ଟର ସୁଦିପ କିଚ୍ଚା। ତେବେ କପିଲ ଦବଙ୍ଗ-୩ର ଟିମ୍ ମେମ୍ବରଙ୍କ ସହ ମଜା କରୁଥିବା ବେଳେ ଅର୍ଚ୍ଚନା ସୁଦିପଙ୍କୁ କହିଥିଲେ ସଲମାନଙ୍କ ସହ ତୁମର କିଛି ସାମଞ୍ଜସ୍ୟ ରହିଛି। ଏହାଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ସୁଦିପ ପ୍ରଥମେ ‘ହୁଚ୍ଚ’ ଫିଲ୍ମ କରିଥିଲେ ଏହାପରେ ଏହାର ରିମେକ ‘ତେରେ ନାମ’ କରିଥିଲେ ସଲମାନ। ସେମିତି ସୁଦିପ ପ୍ରଥମେ ‘ପହଲଓ୍ବାନ’ ଫିଲ୍ମ କରିଥିବା ବେଳେ ଏହାପରେ ସଲମାନ କଲେ ‘ସୁଲତାନ’। ଏହାପରେ ଅର୍ଚ୍ଚନା କହିଥିଲେ ସୁଦିପ ବିବାହ କରିଥିଲେ ଏତିକିରେ ସବୁ ଦର୍ଶକେ କିଛି ସମୟ ପାଇଁ ଚୁପ୍ ହୋଇଯାଇଥିଲେ। ଏହାପରେ ସମସ୍ତେ ଏହାର ଅର୍ଥକୁ ବୁଝି ହସିବାକୁ ଲାଗିଥିଲେ। ଏହାକୁ ଦେଖି ସଲମାନ କିନ୍ତୁ ଚୁପ୍ ହୋଇ ଯାଇଥିଲେ। କିଛିଦିନ ପୂର୍ବେ ଅରବାଜ ଖାଁଙ୍କୁ ମଧ୍ୟ ସଲମାନଙ୍କ ବିବାହକୁ ନେଇ ପ୍ରଶ୍ନ କରାଯାଇଥିଲା। ସେ କିନ୍ତୁ କହିଥିଲେ ଏହି ପ୍ରଶ୍ନ ପଚାରି ପଚାରି ଲୋକେ କେମିତି ଥକି ପଡୁ ନାହାନ୍ତି। ଏବେ ଆଉ ପ୍ରଶ୍ନ ପଚାରିବା ଆବଶ୍ୟକ ନାହିଁ ବରଂ ସେ ଯେବେ ବିବାହ କରିବେ ତାହା ନିଜେ ଜଣାଇଦେବେ।