ନୂଆଦିଲ୍ଲୀ: ଅକ୍ଟୋବର ୨ରେ ସାରା ଦେଶରେ ଗାନ୍ଧିଜୀଙ୍କ ୧୫୦ତମ ଜୟନ୍ତୀ ପାଳନ କରାଯାଇଛି। ଏହି ଉପଲକ୍ଷେ ବଲିଉଡ୍ ସୁପରଷ୍ଟାର ସଲମାନ୍ ଖାନ୍ ନିଜ ଫ୍ୟାନ୍ସଙ୍କୁ ଦେଇଛନ୍ତି ଏକ ସ୍ବତନ୍ତ୍ର ବାର୍ତ୍ତା। ଏକ ଭିଡିଓ ଶେୟାର କରି ଫ୍ୟାନ୍ସଙ୍କୁ ଗାନ୍ଧୀ ଜୟନ୍ତୀର ଶୁଭକାମନା ଜଣାଇବା ସହ ଫିଟ୍ ରହିବାକୁ ଅପିଲ୍ କରିଛନ୍ତି ସଲମାନ। ସଲମାନ୍ ନିଜ ବିଙ୍ଗ୍ ସଲମାନ ଖାନ୍ ଅଫିସିଆଲ୍ ଇନଷ୍ଟାଗ୍ରାମ୍ ପେଜ୍ରେ ଏହି ଭିଡିଓଟି ଶେୟାର କରିଛନ୍ତି। ଭିଡିଓରେ ସଲମାନ ନିଜ ଫ୍ୟାନ୍ସଙ୍କୁ ଗାନ୍ଧୀ ଜୟନ୍ତୀର ଅଭିନନ୍ଦନ ଜଣାଇ ଏହି ଦିବସକୁ ବେଶ୍ ଧୂମ୍ଧାମ୍ରେ ପାଳନ କରିବାକୁ କହିଛନ୍ତି। ଏହାସହ ସେ କହିଛନ୍ତି, ଯେପରି ସ୍ବଚ୍ଛ ଭାରତ, ସ୍ବଚ୍ଛ ଭାରତୀୟ ସେହିପରି ଫିଟ୍ ଇଣ୍ଡିଆ, ଫିଟ୍ ଇଣ୍ଡିଆନ୍। ସଲମାନ୍ ଏହି ଭିଡିଓଟି ପୋଷ୍ଟ କରି କେନ୍ଦ୍ରମନ୍ତ୍ରୀ କିରେନ୍ ରିଜିଜୁଙ୍କୁ ଟ୍ୟାଗ୍ ମଧ୍ୟ କରିଛନ୍ତି। ଏହାସହ କ୍ୟାପଶନ୍ରେ ଲେଖିଛନ୍ତି, “ଗାନ୍ଧୀ ଜୟନ୍ତୀ ଅବସରରେ ଭାଇ କହିଛନ୍ତି ଆପଣଙ୍କୁ ଏହି ମେସେଜ୍ ଦେବାକୁ ଆଉ ଚୁଲ୍ବୁଲ୍ ପାଣ୍ଡେ ଏବେ ପ୍ରସ୍ତୁତ।”
ଫିଟ୍ ଇଣ୍ଡିଆ ଅଭିଯାନକୁ ସଲମାନ୍ ଦୀର୍ଘ ସମୟରୁ ପ୍ରମୋଟ କରିଆସୁଛନ୍ତି। ଏବେ ଗାନ୍ଧୀ ଜୟନ୍ତୀ ଅବସରରେ ସେ ଏହି ଅଭିଯାନକୁ ବାର୍ତ୍ତା ମାଧ୍ୟମରେ ଲୋକଙ୍କ ନିକଟରେ ପହଞ୍ଚାଇବା ସହ ନିଜ ଅପ୍କମିଂ ଫିଲ୍ମ ‘ଦବଙ୍ଗ୍-୩’ର ପ୍ରମୋଶନ କରିବାକୁ ମଧ୍ୟ ଭୁଲି ନାହାନ୍ତି।
