ଭଞ୍ଜନଗର,୩୦।୮(ଡି.ଏନ.ଏ)- ଟଙ୍କା ଉଠାଇବାରେ ସହଯୋଗ କରିବା ବାହାନାରେ ଜଣେ ମହିଳାଙ୍କ ଆକାଉଣ୍ଟରୁ ୨୧ ହଜାର ଟଙ୍କା ଠକି ନେଇଛନ୍ତି ଦୁର୍ବୃତ୍ତ। ଏଥିସହ ମହିଳାଙ୍କ ଏଟିଏମ୍ କାର୍ଡ଼ଟି ମଧ୍ୟ ବଦଳ କରି ନେଇଥିବା ଜଣାପଡିଛି। ଘଟଣାଟି ଗତ ୨୭ ତାରିଖରେ ଘଟିଥିଲା। ଠକେଇର ଶିକାର ହୋଇଥିବା ତନରଡ଼ାର ଗାୟତ୍ରୀ ଆଚାରୀ ଶୁକ୍ରବାର ବେଲଗୁଣ୍ଠା ଫାଣ୍ଡିରେ ଅଭିଯୋଗ କରିବା ପରେ ଜଣାପଡିଛି। ପ୍ରକାଶ ଯେ, ଗାୟତ୍ରୀ ବେଲଗୁଣ୍ଠାର ଏକ ଏଟିଏମ୍କୁ ଟଙ୍କା ଉଠାଇବାକୁ ଯାଇଥିଲେ। ଟଙ୍କା ଉଠାଇବା ଜାଣି ନ ଥିବାରୁ ପାଖରେ ଥିବା ଅନ୍ୟ ଜଣଙ୍କର ସହଯୋଗ ଲୋଡ଼ିଥିଲେ। ଠକ ଜଣଙ୍କ ପାଶ୍ୱାର୍ଡ଼ ପଚାରିବା ପରେ ଟଙ୍କା ଉଠୁନାହିଁ ବୋଲି କହି ଅନ୍ୟ ଏକ କାର୍ଡ଼ ଗାୟତ୍ରୀଙ୍କୁ ଦେଇ ପଳାଇଥିଲେ। ଗାୟତ୍ରୀ ଚାଲି ଆସିବା ପରେ ଠକ ଜଣଙ୍କ ଗାୟତ୍ରୀଙ୍କ ଆକାଉଣ୍ଟରୁ ଟଙ୍କା ଉଠାଇଥିଲେ। ପୋଲିସ ସିସିଟିଭି ଫୁଟେଜକୁ ଆଧାର କରି ଘଟଣାର ତଦନ୍ତ ଚଳାଇଛି।କ