କେନ୍ଦୁଝର,୧୭ା୪(ସ୍ବ.ପ୍ର.): କରୋନା ମହାମାରୀ ରୋକିବା ପାଇଁ ଜିଲା ପ୍ରଶାସନ ପକ୍ଷରୁ ବିଶୋଧନ କାର୍ଯ୍ୟ ଜୋର୍ସୋରରେ ଚାଲିଛି। କେନ୍ଦୁଝର ସହରର ବିଭିନ୍ନ ଅଫିସ, ଡାକ୍ତରଖାନା, ରାସ୍ତାଘାଟ ବିଶୋଧନ କରାଯାଉଛି। ଶୁକ୍ରବାର ମନୋଜ ମଞ୍ଜରୀ ଶିଶୁ ଭବନ, ତିନି ନମ୍ବର ୱାର୍ଡ ମୁସଲିମ୍ ବସ୍ତି ଆଦି ବିଶୋଧନ କରାଯାଉଛି। ସ୍ବାସ୍ଥ୍ୟ ବିଭାଗ ଓ ଅଗ୍ନିଶମ ବିଭାଗ ମିଳିତ ଉଦ୍ୟମରେ ବିଶୋଧନ କାର୍ଯ୍ୟ ଚାଲିଛି। ସେହିପରି ପୂର୍ବପରି ପୋଲିସ ବିଭାଗ ପକ୍ଷରୁ ରାସ୍ତାରେ ଲୋକଙ୍କ ଯାତାୟାତ ଉପରେ କଟକଣା କରିବା ସହ ନଜର ରଖିଛି। ବିନା କାରଣରେ ପଦାକୁ ବାହାରୁଥିବା ବ୍ୟକ୍ତି ଓ ଗାଡ଼ିଚାଳକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।