ଢେଙ୍କାନାଳ ଅଫିସ, ୧୬।୫ – ଲକ୍ଡାଉନ୍ କଷଣରେ ପେଷି ହେଉଛନ୍ତି ଗରିବ ଖଟିଖିଆ। ଜୀବନ ବଞ୍ଚାଇବାକୁ ଭିଟାମାଟି ଅଭିମୁଖେ ଗଣପଳାୟନ ଜାରି ରହିଥିବାବେଳେ ପ୍ରବାସୀଙ୍କ ଯନ୍ତ୍ରଣା ବଳିଗଲାଣି। ଦାଦନ ଦୁଃଖର ଏପରି ଏକ ଚିତ୍ର ଦେଖିବାକୁ ମିଳିଛି ଢେଙ୍କାନାଳ ଜିଲାରେ। ଦୀର୍ଘ ୭ଦିନ ଧରି ସାଇକେଲ ଯାତ୍ରା କରି ବିଜୟଓ୍ବାଡାରୁ ଢେଙ୍କାନାଳ ଫେରିଥିବା ଜଣେ ଯୁବକଙ୍କୁ ଚେତାଶୂନ୍ୟ ଅବସ୍ଥାରେ ବ୍ରାହ୍ମଣୀ ନଦୀକୂଳରୁ ଉଦ୍ଧାର କରାଯାଇଛି। ସେ ହେଲେ ଗଁଦିଆ ବ୍ଲକ କାଲୁରିଆ ପଞ୍ଚାୟତ ଲତାଦେଈପୁର ଗ୍ରାମର ଜୀବନ ପଲେଇ (୨୦)। ଏହି ଘଟଣା ଜିଲାରେ ଚର୍ଚ୍ଚାର ବିଷୟ ପାଲଟିଛି।
ଜୀବନ ବିଜୟୱାଡାର ଏକ ପାୱାର ପ୍ଲାଣ୍ଟରେ କାମ କରୁଥିଲେ। କରୋନା ଲାଗି ଲକ୍ଡାଉନ୍ ଘୋଷଣା କରାଯିବା ପରେ ତାଙ୍କର ଘରକୁ ଫେରିବା ବାଟ ବନ୍ଦ ହୋଇଯାଇଥିଲା। ଶେଷରେ ଏକ ପୁରୁଣା ସାଇକେଲ କିଣି ଗଁ। ଅଭିମୁଖେ ବାହାରିଥିଲେ। ୭ଦିନର ସାଇକେଲ ଯାତ୍ରା ପରେ ସେ ଶୁକ୍ରବାର ଲତାଦେଈପୁରରେ ପହଞ୍ଚତ୍ଥିଲେ। ତେବେ ବ୍ରାହ୍ମଣୀ ନଦୀକୂଳ ମାଳବନ୍ଧ ଦେଇ ଘରକୁ ଯାଉଥିବାବେଳେ ଅସୁସ୍ଥ ହୋଇ ପଡ଼ିଯାଇଥିଲେ। ସୂଚନା ପାଇ ତାଙ୍କ ମା’ ଘଟଣାସ୍ଥଳରେ ପହଞ୍ଚତ୍ ଖାଇବାକୁ ଦେବା ପରେ ସେ ସୁସ୍ଥ ଅନୁଭବ କରିଥିଲେ। ସ୍ଥାନୀୟ ଅଙ୍ଗନୱାଡି କର୍ମୀଙ୍କ ସୂଚନା କ୍ରମେ ସରପଞ୍ଚ ସଞ୍ଜୟ ଜେନା ସମ୍ପୃକ୍ତ ଯୁବକଙ୍କୁ କରମୂଳସ୍ଥିତ କ୍ୱାରାଣ୍ଟାଇନ୍ କେନ୍ଦ୍ରରେ ଭର୍ତ୍ତି କରିଛନ୍ତି। ଅନ୍ୟପଟେ ରାସ୍ତାରେ ଆସୁଥିବାବେଳେ ତାଙ୍କ ମୋବାଇଲ ଚୋରି ହୋଇଯାଇଥିବା ଜୀବନ କହିଛନ୍ତି।