ନିମାପଡ଼ା, ୧୫।୧୨ (ଡିଏନ୍ଏ)- ନିମାପଡ଼ା ଆଥ୍ଲେଟିକ ଆସୋସିଏଶନ ପକ୍ଷରୁ ସ୍ଥାନୀୟ ବାରବାଟୀ ଗ୍ରାଉଣ୍ଡରେ ଚାଲିଥିବା ରାଜ୍ୟସ୍ତରୀୟ ୬ଷ୍ଠ ପଦ୍ମଚରଣ ସାମନ୍ତସିଂହାର ସ୍ମାରକୀ ନିମାପଡ଼ା ଫୁଟ୍ବଲ ପ୍ରତିଯୋଗିତାର ଫାଇନାଲ ଲାଇନ୍ ଅପ୍ ଚୂଡ଼ାନ୍ତ ହୋଇଯାଇଛି। ରବିବାର ଖେଳାଯିବାକୁ ଥିବା ଫାଇନାଲ ମୁକାବିଲାରେ କଟକର ସାଇ ହଷ୍ଟେଲକୁ ଭଦ୍ରକର ଚରମ୍ପା ୟୁନାଇଟେଡ୍ କ୍ଲବ ଭେଟିବ। ଶନିବାର ଖେଳାଯାଇଥିବା ୨ୟ ସେମିଫାଇନାଲ ମ୍ୟାଚ୍ରେ ଚରମ୍ପା ୟୁନାଇଟେଡ୍ ୩-୨ ଗୋଲରେ ଭୁବନେଶ୍ୱରର ୟୁନାଇଟେଡ୍ ୟୁଥ୍ କ୍ଲବକୁ ପରାସ୍ତ କରିଥିଲା। ମ୍ୟାଚ୍ର ପ୍ରଥମାର୍ଦ୍ଧରେ ଭୁବନେଶ୍ୱର ୟୁନାଇଟେଡ୍ ୟୁଥ୍ କ୍ଲବ ପ୍ରଭାବ ବିସ୍ତାର କରି ଖେଳିଥିଲା। ବିକାଶ ନାୟକ ଓ ବିକାଶ ରାଉତଙ୍କ ଗୋଲ ବଳରେ ଚରମ୍ପା ଦଳ ପ୍ରଥମାର୍ଦ୍ଧରେ ୨-୦ ଗୋଲରେ ଅଗ୍ରଣୀ ରହିଥିଲା। ତେବେ ଦ୍ୱିତୀୟାର୍ଦ୍ଧରେ ଚରମ୍ପା ୟୁନାଇଟେଡ୍ ମ୍ୟାଚ୍କୁ ପ୍ରତ୍ୟାବର୍ତ୍ତନ କରିଥିଲା। ଦୁର୍ଗ ପ୍ରସାଦ ନାୟକଙ୍କ ଡବଲ୍ ଓ ସଞ୍ଜୀବ ମାରାଣ୍ଡିଙ୍କ ଗୋଟିଏ ଗୋଲ ବଳରେ ଚରମ୍ପା ୩-୨ ଗୋଲରେ ବିଜୟୀ ହୋଇ ଫାଇନାଲରେ ପ୍ରବେଶ କରିଥିଲା। ଦୁଇଟି ଗୋଲସ୍କୋର କରି ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିବା ଦୁର୍ଗା ପ୍ରସାଦଙ୍କୁ ମ୍ୟାଚ୍ର ଶ୍ରେଷ୍ଠ ଖେଳାଳି ବିବେଚିତ କରାଯାଇଥିଲା।
ସ୍କୁଲର ଅଧ୍ୟକ୍ଷ ଏମ୍.ଏମ୍. ହକ୍, ବିଏସ୍ଏନ୍ଏଲ୍ର ସହକାରୀ ନିର୍ବାହୀ ଯନ୍ତ୍ରୀ ପ୍ରମୋଦ କୁମାର ଦାସ, କ୍ରୀଡ଼ାବିତ୍ ମହେନ୍ଦ୍ର ସିଂ ଭାଟିଆ, ବ୍ରଜେନ୍ଦ୍ର ପ୍ରଧାନ ପ୍ରମୁଖ ଅତିଥିଭାବେ ଯୋଗଦେଇ ପୁରସ୍କାର ପ୍ରଦାନ କରିଥିଲେ। ସରୋଜ ମହାରଣା, ସୁଦୀପ ଦାସ, ନିର୍ମଳ ମିଶ୍ର, କିର୍ତ୍ତୀରଞ୍ଜନ ସ୍ବାଇଁ ମ୍ୟାଚ୍ ପରିଚାଳନାରେ ସହଯୋଗ କରିଥିଲେ।