କ୍ରିକେଟ ପଡିଆରୁ ଦୂରେଇ ରହିଥିଲେ ମଧ୍ୟ ସୋସିଆଲ ମିଡିଆରେ ସର୍ବଦା ଚର୍ଚ୍ଚାରେ ରହୁଛନ୍ତି ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ। କେତେବେଳେ ତାଙ୍କୁ ଝିଅ ଜିଭାଙ୍କ ସହ ଖେଳୁଥିବାର ଦେଖାଯାଉଛି ତ ଆଉ କେତେବେଳେ ଟେନିସ କୋର୍ଟରେ ନଜରକୁ ଆସୁଛନ୍ତି। ନିକଟରେ ସୋସିଆଲ ମିଡିଆରେ ଧୋନୀଙ୍କ ଏକ ଭିଡିଓ ଭାଇରାଲ ହୋଇଛି। ଭିଡିଓରେ ସ୍ତ୍ରୀ ସାକ୍ଷୀ ମାହିଙ୍କୁ ସ୍ବିଟି କହି ଡାକୁଛନ୍ତି, ସେ ଏହା ଶୁଣି ଲାଜେଇ ଯାଉଛନ୍ତି। ଏହି ଭିଡିଓଟି ସାକ୍ଷୀ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଧୋନୀ ଦିଲ୍ଲୀର ତାଜ୍ ପ୍ୟାଲେସରୁ ସୁଟକେସ୍ ଧରି ବାହାରୁଥିବାବେଳେ ସାକ୍ଷୀ ତାଙ୍କୁ ସ୍ବିଟି-କ୍ୱିଟି କହି ଡାକୁଥିବାର ଦେଖାଯାଇଛି। ଧୋନୀ ଏହା ଶୁଣି ହସିହସି ପଳାଉଛନ୍ତି। ଧୋନୀଙ୍କ ଏହି ଅନ୍ଦାଜକୁ ପସନ୍ଦ କରିଛନ୍ତି ୟୁଜର୍ସ। ସୂଚନାଯୋଗ୍ୟ, ୨୦୧୯ ବିଶ୍ୱକପ ପରେ ଧୋନୀ କ୍ରିକେଟରୁ ନିଜକୁ ଦୂରେଇ ରଖିଛନ୍ତି। ସେ କେବେ କ୍ରିକେଟକୁ ଫେରିବେ ତାହା ଏବେ ପ୍ରଶ୍ନବାଚୀ ହୋଇ ରହିଛି।
