ପାଟନା,୨୬।୧: ଦେଶ ରବିବାର ୭୧ ତମ ସାଧାରଣତନ୍ତ୍ର ଦିବସ ପାଳନ କରୁଥିବା ବେଳେ ବିହାରର ଜଣେ ମନ୍ତ୍ରୀଙ୍କ ଜ୍ଞାନ ଏବେ ଚର୍ଚ୍ଚାକୁ ଆସିଛି। ବିହାର ବିଧାନସଭାରେ ମନ୍ତ୍ରୀଥିବା ବିମା ଭାରତି କହିଛନ୍ତି ୧୯୮୫ମସିହାରେ ଦେଶରେ ସମ୍ବିଧାନ ଲାଗୁ ହୋଇଥିଲା। ଏହା କହିବା ପରେ କିଛି ସମୟ ଅଟକି ଯାଇ ସେ ପୁଣି କହିଥିଲେ ଦେଶରେ ସମ୍ବିଧାନ ୧୯୫୫ରେ ଲାଗୁ ହୋଇଥିଲା। ରବିବାର ବିହାର ସମସ୍ତିପୁରର ପଟେଲ ମଇଦାନରେ ଆୟୋଜିତ ଉତ୍ସବରେ ଯୋଗ ଦେଇ ପତାକା ଉତ୍ତୋଳନ କରିବା ପରେ ଜନତାଙ୍କୁ ଉଦ୍ବୋଧନ ଦେବା ସମୟରେ ସେ ଏକଥା କହିଛନ୍ତି। ସେ କହିଥିଲେ ସମ୍ବିଧାନ ଲାଗୁ ହେବା ଫଛରେ ମାହାତ୍ମା ଗାନ୍ଧୀଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ତେଣୁ ସାଧାରଣତନ୍ତ୍ର ଦିବସରେ ଆମେ ତାକୁ ଶ୍ରଦ୍ଧାର ସହ ମନେପକାଇଥାଉ। ଏହାସହ ସମ୍ବିଧାନ ଗଢିବାରେ ଡା. ରାଜେନ୍ଦ୍ର ପ୍ରସାଦ ଓ ବାବ ସାହେବ ଭୀମରାଓ ଆମ୍ବେଦକରଙ୍କ ଅବଦାନ ଅତୁଳନୀୟ ବୋଲି ମଧ୍ୟ ସେ କହିଥିଲେ। ୪୩ ବର୍ଷୀୟା ବିମା ପୂର୍ଣ୍ଣିୟା ଜିଲାର ରୁପୌଲି ବିଧାନସଭା ଆସନରୁ ଜେଡିୟୁ ପାର୍ଥୀ ବୋଲି ଜଣାପଡିଛି। ତାଙ୍କ ସ୍ବାମୀ ସ୍ଥାନୀୟ ଅଞ୍ଚଳର ବାହୁବଳୀ ଭାବେ ବେଶ୍ ପରିଚିତ।