ନୂଆଦିଲ୍ଲୀ,୧୪।୬: ରେଡି ଟୁ ଇଟ୍ ବା ପୂର୍ବରୁ ପ୍ରସ୍ତୁତ ହୋଇଥିବା ଫ୍ରୋଜେନ ପରଟା ଉପରେ ୧୮% ଜିଏସ୍ଟି ଲାଗୁ ହେବ। ପ୍ଲେନ୍ ବା ସାଧାରଣ ପରଟା ଉପରେ ୫% ଜିଏସ୍ଟି ରହିବ। ରେଷ୍ଟୁରାଷ୍ଟରେ ଖାଇବା କିମ୍ବା ନେବା ଲାଗି ପ୍ରଦାନ କରାଯାଉଥିବା ପ୍ଲେନ୍ ପରଟା ଉପରେ ୫% ଜିଏସ୍ଟି ଲାଗିବ ବୋଲି ଅର୍ଥ ମନ୍ତ୍ରଣାଳୟ ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ଏହି ପ୍ରସଙ୍ଗ ଉପରେ ଅଥରିଟି ଅଫ୍ ଆଡଭାନ୍ସ ରୁଲିଙ୍ଗ(ଏଏଆର୍) କହିଛନ୍ତି ଯେ, ପରଟା ରୋଟି କିମ୍ବା ଖାକ୍ରା ହୋଇ ନ ଥିବାରୁ ଏହା ଉପରେ ୫% ଟିକସ ଲାଗୁ ହୋଇପାରିବ ନାହିଁ। ଏ ନେଇ କେନ୍ଦ୍ରୀୟ ପରୋକ୍ଷ ଟିକସ ବୋର୍ଡ(ସିବିଆଇସି) ପକ୍ଷରୁ ଶନିବାର ସ୍ପଷ୍ଟୀକରଣ ଦିଆଯାଇଛି। ଫ୍ରୋଜେନ ବା ସଂରକ୍ଷିତ ହୋଇ ରହିଥିବା ପରଟା ସାଧାରଣ ରୁଟି କିମ୍ବା ଖାକ୍ରା ବର୍ଗରେ ଆସୁନାହିଁ। ଏଣୁ ଏ କ୍ଷେତ୍ରରେ ୫% ଜିଏସ୍ଟି ଲାଗୁ ହୋଇପାରିବ ନାହିଁ। ଏ ବର୍ଗରେ ୧୮% ଜିଏସ୍ଟି ଲାଗିବ। ପ୍ଳେନ୍ ପରଠା ଉପରେ ଜିଏସ୍ଟି ନେଇ ଏଏଆର୍ କିଛି କହି ନାହାନ୍ତି।