ଜୟପୁର,୧୨ା୧୧ (ନି.ପ୍ର/ଡ଼ି.ଏନ.ଏ): ନିଜ ଜୀବନକୁ ବାଜି ଲଗାଇ ୬ ପ୍ରାଣୀଙ୍କ ଜୀବନ ବଞ୍ଚାଇଛି ଘରର ପୋଷା କୁକୁର ଡଗି। ଏକ ବିଷଧର ନାଗ ସାପ ସହ ଅଧଘଣ୍ଟା ଧରି ଲଢେଇ କରି ଶେଷରେ ସାପକୁ ଦୁଇଖଣ୍ଡ କରି ଦେଇଛି ଡଗି। ଏପରି ଘଟଣା ଦେଖିବାକୁ ମିଳିଛି ଜୟପୁର ସହରର ପାଓ୍ବାର ହାଉସ ରିଙ୍ଗ୍ରୋଡ଼ରେ।
ରିଙ୍ଗ୍ରୋଡ଼ ୭ମ ଗଳିରେ ଶଙ୍କର ପ୍ରସାଦ ତ୍ରିପାଠୀ ଓ ତାଙ୍କ ପରିବାର ରୁହନ୍ତି। ରବିବାର ଅପରାହ୍ନ ୩ଟାରେ ୫ ଫୁଟ ଲମ୍ବର ଏକ ନାଗସାପ ଘର ଭିତରକୁ ପ୍ରବେଶ କରିଥିଲା। ଘର ଅଗଣାରେ ଥିବା ପୋଷା କୁକୁର ସାପଟିକୁ ଦେଖି ଜୋରରେ ଭୁକିଥିଲା। କୁକୁର ଭୁକିବା ଶବ୍ଦ ଶୁଣି ପରିବାରର ସମସ୍ତ ସଦସ୍ୟ ବାହାର ଅଗଣାକୁ ଚାଲିଆସିଥିଲେ। କିନ୍ତୁ ଭୟରେ ସାପ ନିକଟକୁ କେହି ଯାଇ ନ ଥିଲେ। ପରେ ଶଙ୍କର ସ୍ଥାନୀୟ ବନ୍ୟଜନ୍ତୁ ଉଦ୍ଧାରକାରୀ ଦଳର ମୁଖ୍ୟ କୃଷ୍ଣକେଶବ ଷଡଙ୍ଗୀଙ୍କୁ ଯୋଗାଯୋଗ କରିଥିଲେ। ସେ ପହଞ୍ଚତ୍ବା ପୂର୍ବରୁ ସାପଟି ଡ଼ଗିକୁ ୨ ଥର ଚୋଟ ମାରିଥିଲେ ମଧ୍ୟ ତାହା ବାଜି ନ ଥିଲା। ପରେ ସାପ ଓ କୁକୁର ଡ଼ଗି ମଧ୍ୟରେ ଅଧ ଘଣ୍ଟା ଧରି ଲଢେଇ ହୋଇଥିଲା। ଶେଷରେ ଡଗି ସାପକୁ କାମୁଡ଼ି ୨ ଖଣ୍ଡ କରି ଦେଇଥିଲା। ସାପଟି ଫଣା ଟେକି କିଛି ସମୟ ରହିବା ପରେ ସେଠାରୁ ବାହାରକୁ ଚାଲିଯାଇଥିବା ଡଗିର ଲାଳନ ପାଳନ କରୁଥିବା ସଞ୍ଜୀବ ତ୍ରିପାଠୀ କହିିଛନ୍ତି। ପରେ ବନ୍ୟଜନ୍ତୁ ଉଦ୍ଧାରକାରୀ ଦଳର ମୁଖ୍ୟ ଷଡଙ୍ଗୀ ସାପଟିକୁ ଧରିଥିଲେ। ହେଲେ କିଛି ସମୟ ପରେ ସାପଟିର ମୃତ୍ୟୁ ହୋଇଥିଲା। ଡ଼ଗି ନିଜ ଜୀବନକୁ ବାଜି ଲଗାଇ ୬ ପ୍ରାଣୀର ଜୀବନ ବଞ୍ଚାଇଥିବା ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।