କାବୁଲ, ୧୧ା୫ (ପି.ଟି.)-ଆଫଗାନିସ୍ତାନ କ୍ରିକେଟ ବୋର୍ଡ (ଏସିବିି) ଉଇକେଟକିପର ବ୍ୟାଟ୍ସମ୍ୟାନ ସାଫିକୁଲ୍ଲା ସାଫାକ୍ଙ୍କୁ ୬ ବର୍ଷ ବାସନ୍ଦ କରିଛି। ଏହି ଖେଳାଳି ଉଭୟ ଆଫଗାନିସ୍ତାନ ପ୍ରିମିୟର ଲିଗ୍(ଏପିଏଲ୍) ଟି୨୦ ଏବଂ ବାଂଲାଦେଶ ପ୍ରିମିୟର ଲିଗ୍ (ବିପିଏଲ୍)ରେ ସେ ଦୁର୍ନୀତି କାର୍ଯ୍ୟକଳାପରେ ସମ୍ପୃକ୍ତ ଥିଲେ। ସେ ଫିକ୍ସିଂ କାର୍ଯ୍ୟରେ ଲିପ୍ତ ଥିଲେ। ଅନ୍ୟମାନଙ୍କୁ ଏଥିରେ ସମ୍ପୃକ୍ତ କରିବା ଲାଗି ଉଦ୍ୟମ କରିଥିଲେ। ଲାଞ୍ଚ ନେଇ ଜାଣିଶୁଣି ଖରାପ ଖେଳିବା ଆଦି ଅଭିଯୋଗ ତାଙ୍କ ବିରୋଧରେ ଥିଲା। ୩୦ ବର୍ଷୀୟ ସାଫାକ୍ ନିଜ ଦେଶ ତରଫରୁ ୨୪ ଅନ୍ତର୍ଜାତୀୟ ଦିନିକିଆ ଏବଂ ୪୬ ଅନ୍ତର୍ଜାତୀୟ ଟି୨୦ ଖେଳିଛନ୍ତି। ଶେଷ ଥର ସେ ୨୦୧୯ ସେପ୍ଟେମ୍ବରରେ ବାଂଲାଦେଶ ବିପକ୍ଷରେ ଏକ ଟି୨୦ ମ୍ୟାଚ୍ରେ ଖେଳିଥିଲେ। ସାଫାକ୍ ନିଜ ଭଲ ସ୍ବୀକାର କରିବା ସହ ଦଣ୍ଡକୁ ଗ୍ରହଣ କରିଛନ୍ତି।