ଗଣ୍ଡତୁରୁମ, ୯ା୧(ଡି.ଏନ୍.ଏ.)- ଭେଡ଼େନ ବ୍ଲକ ମହୁଲପାଲି ପଁଚେତ୍ ଅଧୀନ ଟିହିକିପାଲି ଗଁାର ସମ୍ପୂର୍ଣ୍ଣା ସ୍ବୟଂ ସହାୟକ ଦଲର ମହିଲାମାନେ ନିରୁଜ୍ ଆର ସାଫ୍ସୁତର ପରିବେଶ ଲାଗି ଅଁଟା ଭିଡ଼ିଛନ୍। ଦଲର ସଭାନେତ୍ରୀ ଇତିଶ୍ରୀ ଛୁରିଆ, ସମ୍ପାଦିକା ସୁବର୍ଣ୍ଣ ଛୁରିଆକଁର ମଂଗୁଆଲତିରେ ବୁଧବାର ଦଲର ସଦସିଆ ଆର ଛୁଆମାନେ ଗଁାଖୁଲି ସଫା କରିଥିଲେ। ସେନ୍ତା ଗଁାବାସୀ ଫିଦିନ ବେଭାର କରୁଥିବାର ଉପରକଟା ବଁଧର ଆଡିରେ ଲୋକ୍ ଝାଡ଼ାଝପଟ କରବାର ସଂଗେ ଜଗଡ଼ାକେଚ୍ରା ଗଦା କରିଥିଲେ। ମହିଲାମାନେ ସେଟାକେ କୁଡ଼ି, ଡଲା, ବାଢ଼ୁନ୍ ଧରି ଲଟାବୁଟା ସହିତେ ସଫା କରିଛନ୍। ଇ ହିସାବେ ମହିଲା ଦଲ ସବୁ ଘରେ ସ୍ବଚ୍ଛ ଭାରତ ମିଶନ ଯୋଜନାରେ ପାଇଖାନା ତିଆର ବେବସ୍ତା, ନଲ୍ଚୁଅଁାମାନକର ଚାର୍ହିକୁତି, ଥାନୀଅ ମାତାଡୁଙ୍ଗୁରୀ ଆର ଗଁାର ସବୁ ବଁଧ୍କଟାର ଗାଧୁଆଘାଟ ସଫା କରବାର ନିଷ୍ପତି ନେଇଥିବାର ମହିଲା ଦଲର ସଭାନେତ୍ରୀ ଛୁରିଆ କହିଛନ୍।
