ମାଦ୍ରିଦ୍,୧୬।୪: କରୋନା ସଂକ୍ରମଣ ପୂର୍ବରୁ ଶରୀରରେ କେତେକ ଲକ୍ଷଣ ପାଇଥାଏ। ସେସବୁ ମଧ୍ୟରେ ଥଣ୍ଡା, କାଶ, ସର୍ଦ୍ଦି, ଜ୍ୱର, ଗଳା ଦରଜ ଆଦି ରହିଛି। ଏହାସହିତ କେତେକଙ୍କ ଘ୍ରାଣ ଶକ୍ତି କମି ଯାଉଥିବା କୁହାଯାଉଛି। ସେହିପରି କିଛି ଲୋକଙ୍କଠାରେ ଆଖି ପୋଡ଼ିବା ସମସ୍ୟା ମଧ୍ୟ ଦେଖାଦେଇଥାଏ। ତେବେ ଏହା ସହିତ ପାଦରେ ରକ୍ତ ଜମାଟ ବାନ୍ଧିବା ଭଳି ଦାଗ ମଧ୍ୟ ଦେଖାଦେଇଥାଏ ବୋଲି ସ୍ପେନ୍ର କେତେକ ଗବେଷକ ସୂଚନା ଦେଇଛନ୍ତି। ଏନେଇ ଏକ ରିପୋର୍ଟ ମଧ୍ୟ ପ୍ରକାଶ ପାଇଛି। ମିଳିମିଳା ଭଳି ଲାଲ୍ ଲାଲ୍ ଦାଗ ପାଦରେ କରୋନା ସଂକ୍ରମଣ ପୂର୍ବରୁ ଇଟାଲି, ସ୍ପେନ୍ ଏବଂ ଫ୍ରାନ୍ସ୍ର ବହୁ ଲୋକଙ୍କଠାରେ ଏଭଳି ଲକ୍ଷଣ ଦେଖାଦେଇଥିବା ସ୍ପାନିଶ୍ ଜେନେରାଲ କାଉନସିଲ୍ ଅଫ୍ ଅଫିସିଆଲ୍ ପେଡ଼ିଆଟ୍ରିକ୍ କଲେଜର ଗବେଷକ ଦାବି କରିଛନ୍ତି। ଏପରି ଲକ୍ଷଣ ଦେଖାଦେବା ପରେ ଶୀଘ୍ର ଚିକିତ୍ସା କଲେ ସଂକ୍ରମିତ ସୁସ୍ଥ ହୋଇ ଯାଉଥିବା ରିପୋର୍ଟରେ ଦର୍ଶାଯାଇଛି।