ସାବଧାନ! ଯଦି ଭଲ ଭାବେ ବ୍ରଶ କରୁ ନ ଥିବେ ତେବେ ହାର୍ଟ ଆଟାକ୍ କିମ୍ବା ବ୍ରେନ୍ଷ୍ଟ୍ରୋକର ଶିକାର ହୋଇପାରନ୍ତି। ଏକ ଗବେଷଣାରୁ ଜଣାପଡ଼ିଛି ଯେ, ପାଟି ଭିତରେ ଥିବା ବ୍ୟାକ୍ଟେରିଆ ସବୁଠୁ ମାରାତ୍ମକ। ଏହି ବ୍ୟାକ୍ଟେରିଆ ଧମନୀରେ ରକ୍ତ ଜମାଟ କରିବାରେ ସହାୟକ ହୋଇଥାଏ। ଫଳରେ ରକ୍ତ ସଂଚାଳନ ବନ୍ଦ ହୋଇଯାଏ। ତେଣୁ ବ୍ୟକ୍ତି ହାର୍ଟ ଆଟାକ୍ କିମ୍ବା ବ୍ରେନ୍ଷ୍ଟ୍ରୋକ ପରି ରୋଗର ଶିକାର ହୋଇଥାନ୍ତି। ଏଥିପାଇଁ ପ୍ରତିଦିନ ଭଲ ଭାବେ ବ୍ରଶ କରିବା ଜରୁରୀ।
ଶରୀରରେ ଜମା ହୋଇଥାଏ ରକ୍ତ : ମୁହଁରେ ଥିବା ବ୍ୟାକ୍ଟେରିଆ ଧମନୀରେ ରକ୍ତ ଜମାଟ (ବ୍ଲଡ୍ କ୍ଲଟ୍ିଂ) କରି ଦେଇଥାଏ। ଫଳରେ ହାର୍ଟଆଟାକ୍ ହେବାର ଯଥେଷ୍ଟ ସମ୍ଭାବନା ଥାଏ। ୭୫ଜଣ ରୋଗୀଙ୍କ ରକ୍ତ ପରୀକ୍ଷା କରାଯିବାରୁ ଧମନୀରେ ରକ୍ତ ଜମାଟ ବାନ୍ଧିଥିବା ଜଣାପଡ଼ିଥିଲା। କେବଳ ମୁହଁରେ ଥିବା ବ୍ୟାକ୍ଟେରିଆ ଯୋଗୁ ଏପରି ହୋଇଥିବା ପରୀକ୍ଷାରୁ ଜଣାପଡ଼ିଛି।
ବ୍ରେନ୍ଷ୍ଟ୍ରୋକ୍ : ଏକ ଅଧ୍ୟୟନରୁ ଜଣାପଡ଼ିଛି, ପାଟି ଭିତର ଭଲ ଭାବେ ସଫା ନ କରିଲେ ବ୍ୟାକ୍ଟେରିଆ ବୃଦ୍ଧି ଘଟି ରକ୍ତ ସଂଚାଳନ ବନ୍ଦ ହୋଇଯାଏ। ଫଳରେ ବ୍ରେନ୍ଷ୍ଟ୍ରୋକ ହୋଇଥାଏ। ତେଣୁ ପ୍ରତିଦିନ ଦୁଇରୁ ଅଧିକ ଥର ବ୍ରଶ୍ କରିବା ନିହାତି ଆବଶ୍ୟକ।
