ଶୀତଦିନେ ବେଳେବେଳେ କେତେକଙ୍କ ହାତଗୋଡ଼ ନିଶ୍ଚଳ ଲାଗିଥାଏ। ବାହ୍ୟ ପରିବେଶ ଥଣ୍ଡା ହୋଇଥିବାରୁ ଶରୀରରେ ରକ୍ତ ସଞ୍ଚାଳନ ସ୍ବାଭାବିକ ଭାବେ ହୋଇ ପାରି ନ ଥାଏ। ଫଳରେ ଶରୀରର ଉପର ଏବଂ ନିମ୍ନ ଅଂଶରେ ରକ୍ତ ପ୍ରବାହ ଠିକ୍ ଭାବେ ହୋଇପାରି ନ ଥାଏ। ଏହାଯୋଗୁ ମସ୍ତିଷ୍କର କିଛି ଅଂଶକୁ ମଧ୍ୟ ଠିକ୍ ଭାବେ ରକ୍ତ ପ୍ରବାହିତ ହୋଇ ନ ଥାଏ। ଫଳରେ ଏହି ଅଂଶ ଦ୍ୱାରା ପରିଚାଳିତ ହେଉଥିବା ଅଙ୍ଗପ୍ରତ୍ୟଙ୍ଗ ଉପରେ ପ୍ରଭାବ ପଡ଼ିଥାଏ। ତେଣୁ ହାତଗୋଡ଼ରେ ଏଭଳି ସ୍ଥିତି ସୃଷ୍ଟି ହୋଇଥାଏ ବୋଲି ଚିକିତ୍ସକ ପରାମର୍ଶ ଦେଇଥାନ୍ତି। ମାତ୍ର ଏହି ସମସ୍ୟାକୁ ଅଣଦେଖା କଲେ ପରବର୍ତ୍ତୀ ସମୟରେ ଭୟଙ୍କର ସ୍ଥିତି ସୃଷ୍ଟି ହେବାର ଆଶଙ୍କା ରହିଥାଏ। ଏହା ଗୁରୁତର ବ୍ରେନ୍ ଷ୍ଟ୍ରୋକ୍ ସମସ୍ୟାକୁ ଡାକି ଆଣେ। ତେଣୁ ଶୀତଦିନେ ହାତଗୋଡ଼ ନିଶ୍ଚଳ ହେବାପରି ଲାଗିଲେ ବିଳମ୍ବ ନ କରି ଚିକିତ୍ସକଙ୍କ ପରାମର୍ଶ ନେବା ଆବଶ୍ୟକ। ଚିକିତ୍ସକଙ୍କ ଅନୁସାରେ ୮୫ ପ୍ରତିଶତ ଷ୍ଟ୍ରୋକ୍ ସାମାନ୍ୟ ଧରଣର ହୋଇଥିବା ବେଳେ ୧୫ ପ୍ରତିଶତ ଷ୍ଟ୍ରୋକ୍ ଗୁରୁତର ସମସ୍ୟା ସୃଷ୍ଟି କରିଥାଏ। ସାମାନ୍ୟ ଷ୍ଟ୍ରୋକ୍କୁ ଇସ୍କିମିକ୍ ଷ୍ଟ୍ରୋକ୍ କୁହାଯାଏ। ଅପର ପକ୍ଷରେ ଗୁରୁତର ଷ୍ଟ୍ରୋକ୍ ଯୋଗୁ ବ୍ରେନ୍ ହାମରେଜ୍ ହେବାର ଆଶଙ୍କା ରହିଥାଏ ବୋଲି ଚିକିତ୍ସକ କହିଥାନ୍ତି।