କବିସୂର୍ଯ୍ୟନଗର,୨୦ା୫(ଡି.ଏନ୍.ଏ.)- କରୋନାର ଭୟାବହତା କମିନାହିଁ। ତେଣୁ ଲକ୍ଡାଉନ୍ ମେ’ ୩୧ ପର୍ଯ୍ୟନ୍ତ ବୃଦ୍ଧି କରାଯାଇଛି। ଚତୁର୍ଥ ପର୍ଯ୍ୟାୟରେ ଏହାକୁ ସାମାନ୍ୟ କୋହଳ କରି ଦୋକାନ ବଜାର ଖୋଲିବାକୁ ଅନୁମତି ମିଳିଛି। ମାତ୍ର ସାମାଜିକ ଦୂରତା ଓ ମାସ୍କ ବ୍ୟବହାରକୁ ଆହୁରି କଡାକଡି କରାଯାଇଛି। କବିସୂର୍ଯ୍ୟନଗର ଅଞ୍ଚଳରେ ଏହାର ଖୋଲା ଉଲ୍ଲଘଂନ ହେଉଥିବା ମଙ୍ଗଳବାର ଦେଖିବାକୁ ମିଳିଥିଲା। କବିସୂର୍ଯ୍ୟନଗର ବସ୍ଷ୍ଟପ୍ ସ୍ଥିତ ଲୁଗା ଦୋକାନ, ଷ୍ଟେସନାରୀ, ଫଳ ଦୋକାନରେ ମଙ୍ଗଳବାର ପ୍ରବଳ ଭିଡ ଦେଖିବାକୁ ମିଳିଥିଲା। ଦୋକାନୀ ଗ୍ରାହକ ସମସ୍ତେ କୋଭିଡ୍ ନିୟମକୁ ଭୁଲି ଯାଇଥିଲେ। ଅଞ୍ଚଳରେ ଟ୍ରାଫିକ୍ ଜାମ୍ ହୋଇଯାଇଥିଲା।