ରାଇକିଆ,୭।୬(ଡି.ଏନ.ଏ.)-କନ୍ଧମାଳ ଜିଲା ରାଇକିଆ ସାପ୍ତାହିକ ହାଟ ସୋମବାର ବନ୍ଦ ରହିବ। ଏ ନେଇ ରବିବାର ପଞ୍ଚାୟତ ତରଫରୁ ଡାକବାଜି ଯନ୍ତ୍ର ସାହାଯ୍ୟରେ ଘୋଷଣା କରାଯାଇଛି।
ପ୍ରକାଶ ଯେ, ଉକ୍ତ ହାଟରେ ବ୍ୟାପକ ଜନସମାଗମ ହେଉଥିବାବେଳେ ସାମାଜିକ ଦୂରତ୍ୱ ରହୁନାହିଁ। ଗତ ୧ ତାରିଖରେ ହାଟରେ ଭିଡ଼ ଯୋଗୁ ଜିଲା ପ୍ରଶାସନ ତରଫରୁ ଦିନ ଗୋଟାଏ ସୁଦ୍ଧା ଦୋକାନ ବଜାର ବନ୍ଦ କରିବା ପାଇଁ ନିଦ୍ଦେର୍ର୍ଶ ଦିଆଯାଇଥିଲା। ହେଲେ ଗହଳି ଯୋଗୁ ଅପରାହ୍ନ ତିନିଟା ପର୍ଯ୍ୟନ୍ତ ହାଟ ଖୋଲା ରହିଥିଲା। ଏହି ସମସ୍ୟାକୁ ଦୃଷ୍ଟିରେ ରଖି ଆସନ୍ତାକାଲି ହାଟ ବନ୍ଦ କରିବା ପାଇଁ ଏବଂ ପରବର୍ତ୍ତୀ ଘୋଷଣା ନ ହେଲା ପର୍ଯ୍ୟନ୍ତ ହାଟ ଖୋଲା ନ ଯିବା ପାଇଁ ନିଷ୍ପତି ନିଆଯାଇଛି। ଏଥିସହ ଲକ୍ଡାଉନ ନିୟମକୁ କଡାକଡି ପାଳନ କରିବାକୁ ପ୍ରଚାର କରାଯାଇଛି।