ନୂଆଦିଲ୍ଲୀ,୧୦।୧୦: ଯୁଦ୍ଧ ବିମାନ ରାଫାଲ ଆର୍ବି-୦୦୧ ପ୍ରାନ୍ସ ପକ୍ଷରୁ ଭାରତକୁ ହସ୍ତଗତ କରାଯିବାର ଗୋଟିଏ ଦିନ ପରେ ଆଉ ଏକ ରାଫାଲ ବିମାନର ଫଟୋ ଜାରି କରାଯାଇଛି। ଫ୍ରାନ୍ସ ବିମାନ ନିର୍ମାଣକାରୀ କମ୍ପାନି ଡାସଲ୍ଟ ଆଭିଏଶନ ପକ୍ଷରୁ ଟେଲ୍ ନମ୍ବର ଆର୍ବି-୦୦୨ ଲେଖାଥିବା ରାଫାଲର ଦ୍ୱିତୀୟ ଫଟୋ ଜାରିକରାଯାଇଛି। ସୂଚନାଯୋଗ୍ୟ, ଚୁକ୍ତି ଅନୁଯାୟୀ, ୩୬ ରାଫାଲ ବିମାନ ମଧ୍ୟରୁ ଆସନ୍ତାବର୍ଷ ମେ’ ମଧ୍ୟରେ ୪ଟି ଭାରତରେ ପହଞ୍ଚିବାକୁ ଥିବା ବେଳେ ଅବଶିଷ୍ଟ ୨୦୨୨ସୁଦ୍ଧା ଭାରତକୁ ହସ୍ତଗତ କରାଇ ଦିଆଯିବ। ଏହି ରାଫାଲ ବିମାନ ବାୟୁସେନାରେ ସାମିଲ ହେବା ପରେ ବାୟୁସେନାର ଶକ୍ତି ବୃଦ୍ଧି ହେବା ସହ କ୍ଷଣକରେ ଶତ୍ରୁକୁ ନିପାତ କରାଯାଇ ପାରିବ।