ଲକ୍ଷ୍ନୌ, ୮।୧୦- ଉତ୍ତରପ୍ରଦେଶ ହାଥରସ୍ ଗଣବଳାତ୍କାର ମାମଲାର ତଦନ୍ତ ଚାଲିଥିବାବେଳେ ବର୍ତ୍ତମାନ ଏକ ଭିଡିଓ ସାମ୍ନାକୁ ଆସିଛି। ଭିଡିଓରେ ଘଟଣାର ପରବର୍ତ୍ତୀ ସ୍ଥିତି ରେକର୍ଡ କରାଯାଇଛି। ଏହି ଭିଡିଓଟି ସେପ୍ଟେମ୍ବର ୧୪ର ବୋଲି ପୋଲିସ କହିଛି। ଏହି ହୃଦୟଥରା ଘଟଣା ପରେ ପୋଲିସ, କ୍ରାଇମବ୍ରାଞ୍ଚ ଘଟଣାସ୍ଥଳରେ ପହଞ୍ଚିଥିଲେ। ପରେ ସମସ୍ତ ପାରିପାର୍ଶ୍ୱିକ ସ୍ଥିତିର ଭିଡିଓ ଉତ୍ତୋଳନ କରାଯାଇଥିଲା।
ଭିଡିଓରେ ଦେଖାଯାଇଛି, ବଳାତ୍କାର ଘଟଣା ପରେ ଘଟଣାସ୍ଥଳରେ ୪ଟି ଦା, ଗୋଟିଏ ଚପଲ ପଡିଥିବା ଦେଖିବାକୁ ମିଳିଥିଲା। ଅନୁମାନ କରାଯାଉଛି ଅପରାଧ ସମୟରେ ୪ଜଣ ଲୋକ ଉପସ୍ଥିତ ଥିଲେ। ଅପରପକ୍ଷେ ପୀଡିତାଙ୍କ ମା’ କ୍ରାଇମବ୍ରାଞ୍ଚଠାରୁ ମାତ୍ର ୩ ମିଟର ଦୂରରେ ଥିବା ପୋଲିସ କହିଛି।
ସୂଚନାଯୋଗ୍ୟ ଯେ, ଗତ ୧୪ ସେପ୍ଟେମ୍ବରରେ ହାଥରସ ଜିଲାର ଏକ ଗାଁରେ ଜଣେ ଯୁବତୀଙ୍କୁ ୪ ଜଣ ଗଣବଳାତ୍କାର କରିଥିବା ଅଭିଯୋଗ ହୋଇଥିଲା। କିଛିଦିନ ପରେ ଅର୍ଥାତ ୨୯ ସେପ୍ଟେମ୍ବରରେ ଯୁବତୀ ଜଣକ ଚିକିତ୍ସିତ ଅବସ୍ଥାରେ ମୃତ୍ୟୁ ଘଟିଥିଲା।