ମୁମ୍ବାଇ: ସୁପରଷ୍ଟାର ଆମିର ଖାନ୍ ଏବଂ ଶାହରୁଖ୍ ଖାନ୍ ‘ସାରେ ଜହାଁ ସେ ଅଚ୍ଛା’ ଫିଲ୍ମରେ ଅଭିନୟ କରିବାକୁ ଆଗ୍ରହୀ ଥିବା ପ୍ରଯୋଜନା ସୂତ୍ରରୁ ଜାଣିବାକୁ ମିଳିଛି। ଉକ୍ତ ଫିଲ୍ମ ମହାକାଶଚାରୀ ରାକେଶ ଶର୍ମାଙ୍କ ଜୀବନୀକୁ ନେଇ ନିର୍ମାଣ ହେବାକୁ ଯାଉଥିବାବେଳେ ଏହାର କାହାଣୀ ରଚନା କରିଛନ୍ତି ଲେଖକ ଅଞ୍ଜୁମ ରାଜାବଳୀ। ଉକ୍ତ ଫିଲ୍ମର କାହାଣୀ ଦୁଇ ଷ୍ଟାରଙ୍କୁ ପଢ଼ିବାକୁ ଦିଆଯାଇଥିଲା। ତେବେ ସେମାନେ ଏହାକୁ ପାଠକରି ଫିଲ୍ମ କରିବାକୁ ଅଙ୍ଗୀକାରବଦ୍ଧ ଥିବା ପ୍ରକାଶ କରିଛନ୍ତି। ଏହା ଏକ ବଡ ବଜେଟ୍ର ଫିଲ୍ମ। ତେଣୁ କଳାକାରମାନେ ଏକାଠି ହେବା ଏବଂ ଏହାର ଶୁଟିଂ ଆରମ୍ଭ ହେବାକୁ ଆଉ କିଛିଦିନ ସମୟ ଲାଗିବ। ଆହୁରି ମଧ୍ୟ ଶୁଣିବାକୁ ମିଳୁଛି ଯେ, ନିର୍ମାତାମାନେ ମୁଖ୍ୟ ଭୂମିକା ନେବାକୁ ଭିକି କୌଶଲ ଏବଂ ରଣବୀର କପୁରଙ୍କୁ ପ୍ରସ୍ତାବ ଦେଇଛନ୍ତି। କିନ୍ତୁ ଏ ସମ୍ପର୍କରେ କୌଣସି ସ୍ଥିର ନିଷ୍ପତ୍ତି ହୋଇପାରି ନାହିଁ। ବର୍ତ୍ତମାନ ଫିଲ୍ମ ନିର୍ମାଣ ପାଇଁ ପ୍ରକ୍ରିୟା ଚାଲିଥିବାରୁ ଏ ସମ୍ପର୍କରେ ବିସ୍ତୃତ ସୂଚନା ଦେବା ଠିକ୍ ସମୟ ନୁହେଁ ବୋଲି ବିଶ୍ୱସ୍ତ ସୂତ୍ରରୁ ଜାଣିବାକୁ ମିଳିଛି।
