ମୁମ୍ବାଇ: ବଲିଉଡ୍ କୁଇନ୍ ପରିଣିତି ଚୋପ୍ରା ଏବେ ସାଇନା ନେହଓ୍ବୋଲଙ୍କ ବାୟୋପିକ୍କୁ ନେଇ ବ୍ୟସ୍ତ ଅଛନ୍ତି। ଆଉ ଅନ୍ୟପଟେ କବିର ସିଂ ଫେମ୍ ସାହିଦ କପୁର ଏବେ ତାଙ୍କ ସଫଳତାକୁ ନେଇ ଖୁବ୍ ଉତ୍ସାହିତ ଅଛନ୍ତି। ଆଗାମୀ ପ୍ରୋଜେକ୍ଟ ପାଇଁ ସାହିଦ ନିଜକୁ ପ୍ରସ୍ତୁତ କରୁଛନ୍ତି। ନିକଟରେ ପରିଣିତି ଏକ ଭିଡରେ ଫସିଥିବା ବେଳେ କେତେଜଣ ଖବରଦାତା ତାଙ୍କୁ ସାହିଦଙ୍କ ସଫଳତା କଥା ପଚାରିଥିଲେ। କେବଳ ସେତିକି ନୁହେଁ ସେ ସାହିଦଙ୍କ ସହ ଅଭିନୟ କରିବାକୁ ନେଇ କ’ଣ ଭାବନ୍ତି ବୋଲି ମଧ୍ୟ ପ୍ରଶ୍ନ ଉଠିଥିଲା। ଆଉ କିଛି ଚିନ୍ତା ନ କରି ପରିଣିତି କହିଥିଲେ ସାହିଦଙ୍କ ସହ ଅଭିନୟ କରିବାରେ ତାଙ୍କର କୌଣସି ଅସୁବିଧା ନାହିଁ। ହେଲେ ଭଲ ସ୍କ୍ରିପ୍ଟ ମିଳିଲେ ସେ ସାହିଦଙ୍କ ସହ ଅଭିନୟ କରିବେ। ଏମିତି ଏକ ସର୍ତ୍ତ ପାଇଁ ଏବେ ପରିଣିତି ସାହିଦଙ୍କ ଯୋଡି ଦେଖିବାକୁ ଚାହୁଁଥିବା ଦର୍ଶକେ ଅପେକ୍ଷା କରିବାକୁ ପଡିବ ନିଶ୍ଚିତ।
