ସିଆଚେନ୍, ୯।୬: ସିଆଚେନ୍ରେ ୨୦ ହଜାର ମିଟର ଉପରେ ଦେଶର ସୁରକ୍ଷା ପାଇଁ ମୁତୟନ ରହିଛନ୍ତି ସେନା ଯବାନ। ଯବାନଙ୍କ ପାଇଁ ବିଭିନ୍ନ ଖାଦ୍ୟ ସାମଗ୍ରୀ ହେଲିକପ୍ଟରରେ ପଠାଯାଉଛି। ତେବେ ମାଇନସ୍ ୬୦ ଡିଗ୍ରୀ ତାପମାତ୍ରାରେ ଅଣ୍ଡା ଭଜା ଲାଗି ଫଟାଇ ହେଉନି ଅଣ୍ଡା। ହାତୁଡ଼ିରେ ପିଟିଲେ ମଧ୍ୟ ଅଣ୍ଡା ଫାଟୁନି। ଏହାର ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହୋଇଛି। ସେହିପରି ଜୁସ୍ ବୋତଲ ବରଫ ପାଲଟି ଯାଉଛି। ଆଳୁ, ଟମାଟୋ ସମେତ ଅନ୍ୟ ପନିପରିବାର ଅବସ୍ଥା ମଧ୍ୟ ସମାନ ଏହାକୁ କାଟି ହେଉନି। ପ୍ରଥମେ ଏସବୁକୁ ଗରମ ପାଣିରେ ପକାଇ ପରେ ଏହାକୁ ରାନ୍ଧିବାକୁ ପଡୁଛି। କିଛି ଯବାନଙ୍କ ଦ୍ୱାରା ଅପଲୋଡ୍ କରାଯାଇଥିବା ଏହି ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି।