ନୂଆଦିଲ୍ଲୀ,୨୭-୭: ଏଚ୍ଇଜି ଲିମିଟେଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ରବି ଝୁନ୍ଝୁନ୍ଓ୍ବାଲା ଆର୍ଥିକ ବର୍ଷ ୨୦୧୮-୧୯ରେ ସର୍ବାଧିକ ୧୨୧.୨୭ କୋଟି ଟଙ୍କା ଦରମା ନେଇଛନ୍ତି, ଯାହାକି ଗତ ଆର୍ଥିକ ବର୍ଷଠାରୁ ୧୮୦ ପ୍ରତିଶତ ଅଧିକ। ତାଙ୍କର ଏତେ ବିଶାଳ ଦରମାକୁ ନେଇ ଏବେ ପ୍ରଶ୍ନ ଉଠିଲାଣି। ଏଲ୍ଏନ୍ଜି ଭିଲଓ୍ବାଡା ଗ୍ରୁପ୍ର ଏହି କମ୍ପାନୀ ଗ୍ରାଫାଇଟ୍ ଇଲେକ୍ଟ୍ରୋଡ ନିର୍ମାଣ କରିଥାଏ। ଗତ ଆର୍ଥିକ ବର୍ଷ ତୁଳନାରେ ତାଙ୍କର ଦରମା ୩ ଗୁଣ ବଢ଼ିଯାଇଛି। କମ୍ପାନୀର ନିୟମ ଅନୁଯାୟୀ, ଶୁଦ୍ଧ ଲାଭର ୨.୫% କମିଶନ ସିଇଓଙ୍କୁ ମିଳିଥାଏ। ଅନ୍ୟପକ୍ଷରେ ହିରୋ ମୋଟୋକର୍ପ ସିଇଓ ପଓ୍ବନ ମୁଞ୍ଜାଲ ୮୦.୪୧ କୋଟି, ଦୀପକ ନାଇଟ୍ରାଇଟ ଏକ୍ଜିକ୍ୟୁଟିଭ ଡାଇରେକ୍ଟର ଉମେଶ ଆସାଇକର ୫୮.୮୯ କୋଟି, ଏଲ୍ଆଣ୍ଡଟିର ସିଇଓ ଏସ୍.ଏନ୍.ସୁବ୍ରମଣ୍ୟନ ୪୮.୪୫ କୋଟି ଟଙ୍କା ଦରମା ନେଉଛନ୍ତି।